ဒီတခါတော့ ကျွန်တော်အမ အကြောင်း ပြောပါအုံးမယ်။မနေ့ညက အိမ်ကို ဖုန်းဆက်ရင်း အမနဲ့ ဖုန်းပြောဖြစ်တော့
ကျွန်တော့်အမက နင်ဘလော့ဂါ လုပ်ပြီးစာရေးနေတယ်ဆို တဲ့။ဘာရေးတာလဲပြောပြဆိုတော့ ပြောပြရင်း
မမငယ်ငယ်တုန်းက စကားပုံ အလွဲတွေ ဖြေခဲ့တာကို တပုဒ် ရေးထားတယ်ဆိုတော့ သူကရယ်ပြီး
ငါအတန်းတင် စာမေးပွဲမှာလည်း အဲဒီလိုပဲ မှားဖြေခဲ့ ဘူးတယ်လို့ပြောတယ်။ ကျွန်တော်ကလည်း ချက်ချင်းပဲ စာအုပ်ယူပြီး မှတ်တော့တာပဲ။တွေးရင်းတစိမ့်စိမ့်ပြုံးရလို့ တင်ပေးလိုက်ပါတယ်။
သူအတန်းတင်စာမေးပွဲဖြေတော့ အရင်လိုပဲ မြန်မာစာမေးခွန်းမှာ စကားပုံတွေ ကို
ဗဟုသုတ အဖြစ်မေးထားတယ်တဲ့။သူဖြေတာမှန်တဲ့ ဟာတွေလည်းမှန်တာပေါ့။မှားသွားတဲ့ အဖြေတွေကို
အိမ်ရောက်လို့ လူကြီးတွေပြန်မေးကြည့်မှပဲ မှားမှန်းသိရတော့တာတဲ့။
မေးခွန်းမှာက 'ဖောင်စီရင်း..........?'လို့မေးထားတယ်။
အမှန်က 'ဖောင်စီးရင်း ရေငတ်' ဆိုတာလူတိုင်းသိကြတယ်။
ကျွန်တော့်အမက မသိတော့ “ ဖောင် စီး ရင်း မီးနေ ” လို့ဖြေခဲ့တယ်။
သူကြားဖူးတာက 'ယောကျာင်္းဖောင်စီး မိန်းမမီးနေ' လို့ထင်ပါတယ်။
အသက်အန္တရာယ် ရှိတဲ့ အကြောင်း အတူတူပဲဆိုတဲ့ စကားပုံပါ။
ကြားဖူးတဲ့ စကားပုံတွေ ရောပြီး ဖြေလိုက်တော့ “ ဖောင်စီးရင်း..မီးနေ ” ဖြစ်သွားရတယ်။
မှားလေ့မှားထ ရှိတဲ့ အဖြေဆိုတော့ အပြစ်မတင်ချင်ပေမယ့် နောက်တခုဖြေတာတော့ ရုပ်ပျက်လွန်းတယ်။
နောက်တပုဒ်ကြတော့ 'ပညာရှိ .........................?'လို့မေးထားပြန်တယ်။အမှန်က 'ပညာရှိ သတိဖြစ်ခဲ'လေ။
သူဘယ်လိုဖြေခဲ့တယ်ထင်လဲ။သူပဲ စဉ်းစားတတ်တယ်....။
“ ပညာရှိ ဇီးကွက် ”တဲ့
ကြားလို့တောင်မကောင်းဘူး။
