နွေမိုးတိမ်

Saturday, April 30, 2011

အတိတ်စိမ်း

အတိတ်စိမ်း

သူ့အရှေ့မှာချထားသည့် ကော်ဖီခွက်နှင့် မနက်စာကို စိုက်ကြည့်နေသော်လည်း သူတကယ်မြင်နေသည်က ငွေ တွေ ဖြစ်သည်။ ငွေတွေမှ အထုပ်လိုက် အထပ်လိုက် မြင်နေရ၏။ ပြီးတော့ ငွေထုပ်တွေကို ပစ်မြှောက်ကာ ခုန်ပေါက် ပျော်မြူးနေကြသော လူတွေကို ပြန်မြင်နေမိသည်။ ညကမက်သည့် အိပ်မက်သည် တော်တော်ထင်ရှားသည့် အိပ်မက်ဖြစ်၏။

အိပ်မက်ထဲတွင် လူတွေ အများကြီးကို တွေ့ရသည်။ ထိုလူတွေ ကိုင်ထားသည့် ငွေထုပ်တွေကိုလည်း မြင်ရသည်။ ထိုလူတွေသည် အစိမ်းရောင် သံပန်းခြံစည်းရိုး တစ်ခုအရှေ့တွင် ဝမ်းသာအားရခုန်ပေါက် ပျော်မြူးနေကြခြင်းဖြစ်သည်။ ထိုခြံစည်းရိုးကို သူမှတ်မိသည်။ အောက်ပိုင်းတဝက်ကို အုတ်ဖြင့် စီထားပြီး အပေါ်ပိုင်း သံပန်းပုံစံတပ်ထားကာ အစိမ်းရောင် သဘောင်္ဆေး သုတ်ထားသော ထို ခြံစည်းရိုးသည် သူတို့အိမ်မှခြံစည်းရိုးဖြစ်ကြောင်း သေသေချာချာ မှတ်မိသည်။ သူတို့ခြံအပြင်ဘက်တွင် သူ မမှတ်မိသော လူတွေက ငွေထုပ်တွေကို ပစ်မြှောက်ကာ ပျော်ရွှင်ခုန်ပေါက် နေကြသည်ကို သူအိပ်မက် မက်ခဲ့ခြင်းဖြစ်သည်။

ထိုသူများအားလုံးမှာ နှစ်လုံးတွဲ ကုဒ်နံပါတ်လေးနှင့် ပါတ်သတ်၍ ထိုသို့ ပျော်ရွှင်နေကြသည်ကိုလည်း အိပ်မက်ထဲတွင် သိခဲ့သည်။ သို့သော် မည်သည် နံပါတ်ဂဏန်း ဆိုသည်ကိုတော့ သူသေသေချာချာ မမှတ်မိပါ။ မနက်အိပ်ယာနိုးချိန်မှ စ၍ အိမ်သာတက်ရင်း၊ မျက်နာသစ်ရင်း အဝတ်လဲရင်း သူ အပြင်းအထန် တွေးနေမိသည်မှာ ညက အိပ်မက်ထဲမှ ကုဒ်နံပါတ်ကို ဖြစ်သည်။ ဂဏန်း နှစ်လုံးထဲ ဖြစ်လျက်နှင့် သူ မမှတ်မိခြင်းကို အားမလို အားမရ ဖြစ်နေရ၏။ ရှေ့ဂဏန်းက သုံးနှင့်စသလိုလို ထင်မိသော် သေသေချာချာ တွေးတော့ မဟုတ်သေးဘူးဟု ထင်မိပြန်သည်။ ဒါဆို ရှစ်ဂဏန်းများလား ဆိုတော့လည်း မသေချာ မရေရာ။

ဒီ ကုဒ်နံပါတ်ကို သိရမှ ဖြစ်မည်။ ဒီလိုအိပ်မက်မျိုးကို သူယုံကြည်သည်။ အိပ်မက်အရ ထို ကုဒ်နံပါတ်ကို နှိပ်ရင်း ချမ်းသာခြင်း တံခါးပွင့်သွားသူတွေအကြောင်း သူတစ်စွန်းတစ်စ ကြားဖူးသည်။
စဉ်းစားစမ်းး.. ဒီ နံပါတ်နှစ်လုံးထဲကို ဘာအတွက် တွေးလို့မရရမှာလဲ။ သူ သိရမှ ဖြစ်မည်။ ဒါ ဘဝ အပြောင်းအလဲ ဖြစ်သွားနိင်သည်မဟုတ်လား။ စာရွက်တစ်ရွက်ကို ရှေ့ချကာ သူ့အိပ်မက်ကို အစနေရာမှ ပြန်တွေးကြည့်သည်။

အိပ်မက်ထဲမှ လူများ လက်ထဲတွင် လက်တစ်ဝါးစာ ဘောက်ချာ အပိုင်းလေးတွေကိုယ်စီ ကိုင်ရင်း လမ်းမပေါ် ထွက်လာကြသည်။ လူတစ်ချို့က ပျော်ရွှင်စွာအော်ဟစ်နေကြသည်။ တစ်ချို့က ခုန်ပေါက်ရင်း အချင်းချင်း ဘောက်ချာလေးတွေ ပြကာ ပွေ့ဖက်ကြသည်။ တစ်ယောက်နှင့် တစ်ယောက် လက်များဆွဲယမ်းကာ ဝမ်းသာ ရွှင်မြူးနေကြသည်။ လမ်းမတစ်လျှောက်လုံး မှာလည်း ဆူညံနေ၏။ထို့နောက်မြင်ကွင်းက နောက်တစ်ခု ပြောင်းသွားပြန်သည်။ ထိုသူတွေ သူ့ခြံရှေ့တွင် စုဝေးနေကြသည်။ လမ်းမမှ ဖြတ်သွားသူတစ်ဦးက ဘာ ထွက်လဲဟု လှမ်းမေးသံကို ပီပီသသ ကြားရသည်။ လူအုပ်ထဲမှ ပြန်ဖြေသံ တော်တော်များများ ထွက်လာသည်။ ပြဿနာက လူအများပြန်ဖြေလိုက်သော နံပါတ်လေးကို မသဲမကွဲသာ ကြားလိုက်ရခြင်းဖြစ်၏။ အခုထိ ထိုကိန်းဂဏာန်းကို စဉ်းစား၍မရ။ ဖြစ်နိင်မည်ထင်သော နံပါတ်များကို စာရွက်ပေါ်တွင် ချရေးထားသည်မှာလည်း တော်တော်များနေခဲ့ပြီ။ ထိုနံပါတ်တွေ တစ်ခုမှ မဖြစ်နိင်ဘူးဟုလည်း စိတ်ထဲတွင် ထင်နေမိပြန်သည်။

ထိုလူအုပ်၏ လက်ထဲတွင် အစိမ်းရောင် ၊ အနီရောင် ငွေထုပ်များ ပစ်မြှောက်နေသည်ကို တွေ့ရသည်။ ဘာနံပါတ်လဲ။ ခေါင်းတွေ ထူပူလာအောင် တွေးသော်လည်း နှစ်လုံးတွဲ ကုဒ်နံပါတ်လေး တစ်ခုကို အစဖော်၍ မရနိင် ဖြစ်နေသည်။ မနက်စာကို မတို့မထိ ရသေးသောကြောင့် သူ့ဇနီးဖြစ်သူက လှမ်းကြည့် သည်ကိုလည်း သူမမြင်။

“ ကော်ဖီတွေ အေးကုန်တော့မယ် ဘာလုပ်နေတာလဲ”
“ အာာ....”
အတွေးထဲ နစ်နေသဖြင့် သူ လန့် သွားမိသည်။

“ ငြိမ်ငြိမ်လေး နေပေးကွာ ဒီမှာအရေးကြီးတာ တွေးနေလို့ ”
“ ရှင် ရုံး နောက်ကျအုံးမယ်နော်”
“ ကျ..ကျ ကွာ”

နားမလည်နိင်စွာ ကြည့်ပြီး သူ့ဇနီးဖြစ်သူ မနက်စာကို ဆက်စားနေသည်။ သူကတော့ တွေးကောင်းတုန်း။ ဒီနံပါတ် မြန်မြန်သိရမှ ဖြစ်မည်။ အချိန်မှီသိရမှ တစ်မြို့လုံးပတ်ပြီး သူလှုပ်ရှားနိင်မည်။ နိင်ငံခြား ရောက်နေသည့် သူ့အတွက် မိသားစုကိုဖုန်းဆက်ကာ ထိုကုဒ်နံပါတ်ဖြင့် ငွေတံခါးများစွာကို သော့ကြီးကြီးနှင့် လိုက်ဖွင့်ခိုင်းရမည်။ တဖက်မြို့က ဦးကျင်ဟုတ် ထံလည်း သွားခိုင်းရမည်။ နောက်... မောင်ကျော်။ သူတို့တွေက စိတ်ကြိုက်သော့ဖြစ် ဖွင့်ချင်သလောက် ဖွင့်ခွင့်ရသည့် သူများဖြစ်သည်။ ညနေရောက်လျှင်တော့ ငွေတံခါးကြီး ပွင့်သွားလိမ့်မည်။

ငွေတွေ သူ့ဆီရောက်ဖို့ လက်တစ်ကမ်း အကွာတွင်သာ ရှိသည်။
“ငွေတွေ... ငွေတွေ... ဟာားးး”
သို့သော် နံပါတ်ကို ဖော်မရသဖြင့် သူ မချင့်မရဲ ဖြစ်နေရသည်။ ငွေထုပ်တွေကို မြင်နေရလျှက်နှင့် သူ နံပါတ် မဖော်နိင်တာကြောင့် ဒေါသတွေပါ ထွက်လာသည်။ အချိန်မှီ သိရမှဖြစ်မည်။နာရီကို ကြည့်လိုက်တော့ သူအလုပ်သွားဖို့ အချိန်ကျော်လွန်နေပြီ။ သို့သော် ကိစ္စမရှိ။ ဒီလျှို့ဝှက် ကုဒ်နံပါတ်ကိုသာ ဖော်နိင်ခဲ့လျှင် သူတို့ လင်မယားနှစ်ယောက်မြန်မာပြည်ပြန်ပြီး အခြေချနိင်ပြီ မဟုတ်လား။ ချမ်းသာခြင်းက လက်တစ်ကမ်း အကွာတွင်သာ ရှိသည်။ သို့သော် နံပါတ်ဖော်မရသဖြင့် သူ စိတ်တွေတိုလာသည်။ သူမြင်ယောင်နေသည်ကတော့ သူတို့ခြံရှေ့က ပျော်ရွှင်နေကြသော လူတစ်စုဖြစ်သည်။ ထို့ပြင် အစိမ်းရောင် အနီရောင် ငွေထုပ်များဖြစ်၏။

နှစ်လုံးတွဲကုဒ်နံပါတ်ကို ဖော်နိင်မလား ဆိုပြီး သူ ကော်ဖီ တစ်ငုံသောက်လိုက်သော်လည်း ထူးခြားမလာ။ အချိန်တွေ တရွေ့ရွေ့ကုန်လာသဖြင့် သူ ဂဏာမငြိမ်ဖြစ်လာသည်။ ချမ်းသာခြင်း၏ လက်တကမ်းထိ ရောက်ပြီးမှ သူလက်လွှတ်ရတော့မည် ထင်သည်။ ဧည့်ခန်းတွင် ခေါက်တုန့် ခေါက်ပြန် လမ်းလျှောက်ရင်း သူ အကြောင်းအရာ တစ်ခုစဉ်းစားလိုက်မိ၏။ ထိုအခါ သူ့ရင်တစ်ခုလုံး ဟိုက်ခနဲဖြစ်ပြီး အေးသွားသည်။ လက်ဖျားများပင် ချက်ချင်း အေးစက်လာကာ စိတ်လှုပ်ရှားမှုကြောင့် ခန္ဓာကိုယ်တစ်ခုလုံး တုန်ယင်လာ၏။

ထို့နောက် အိမ်ဖုန်းရှိရာကို အပြေးအလွှား သွားမိသည်။ မြန်မာပြည်မှ သူ့အိမ်ဖုန်းနံပါတ်ကို နှိပ်နေရင်း အချိန်မှီပါ့မလား ဟု သူ့ခေါင်းထဲမှာ တရံမလပ် တွေးနေမိသည်။ ဖုန်းလိုင်းများက ချက်ချင်းမဝင်။ အထပ်ထပ်ခေါ်ဆိုနေရင်း သူ စိတ်လှုပ်ရှားနေမိ၏။ ၄ ကြိမ်မြောက်လား ၅ ကြိမ် မြောက်လားဟု သူ သတိမထားနိင်သည့် အကြိမ်မှာ ဖုန်းလိုင်းဝင်သွားသည်။

“ဟယ်လို..”

တစ်ဘက်မှ ဖုန်းလာကိုင်သူသည် သူ့အစ်မ ဖြစ်နေသည်။

“ မမ.. ကျွန်တော်ပါ ကိုကိုရှိနေလား မြန်မြန်ခေါ်ပေး”
“ မောင်လေးလား... နင်နေကောင်းလား”
“ အဲဒါတွေ နောက်မှ ပြော.. ကိုကို့ ကိုမြန်မြန်ခေါ်လိုက်”
“အေး.. အေးး”

ထို့နောက် လှမ်းခေါ်သံများ ကြားလိုက်ရသည်။ ခဏကြာပြီးနောက်

“ဟဲ..လို ညီညီ.. ပြော... ဘာဖြစ်လို့လဲ”
“ညီပြောတာ သေချာနားထောင်... ကြားရလား”
“ အေး ကြားရတယ်ကွ.. ပြောလေ ”
“ နံပါတ်တွေ ရောင်းပြီးပြီလား ”
“မင်းကလည်း အစောကြီး ရှိသေးတာ ဘယ်လို ရောင်းရအုံးမလဲ”
“ တော်သေးတယ်.. ဒါဆိုရင် ဒီနေ့ မကိုင်နဲ့တော့ အကုန် ပိတ်ထားလိုက်”
“ ဘာဖြစ်လို့တုန်း စီမံချက် ရှိလို့လား”
“ အာာ... မဟုတ်ဘူး.. ဒါပေမယ့် ဒီနေ့ ပိတ်ထားလိုက်ကွာ အရေးကြီးတယ်။ နောက်မှရှင်းပြမယ်။
ငါအလုပ် နောက်ကျနေလို့ ”
“ အေး..အေး ပြီးတာပဲ ”

ဖုန်းခွက်ကို ချပြီးနောက် သူသက်ပြင်းမောကြီး ချလိုက်မိသည်။ တော်သေးတယ် အချိန်မှီသေးလို့...။
မဟုတ်လျှင် သူ့ ပိုက်ဆံလေးတွေ ပါသွားနိင်သည်။ ဘဝတူ တခြားသူတွေထံမှ ငွေကို ရယူဖို့သာ တွေးနေမိသဖြင့် ကိုယ့်ငွေပါသွားနိင်တာကို စောစောကသတိမရမိ။ အချိန်မှီသတိရတာ ကံကောင်းသည်။ အနည်းငယ် နောက်ကျနေသည့် အလုပ်ကို သွားဖို့ ပြင်ဆင်နေရင်း သူစိတ်လက်ပေါ့ပါးစွာဖြင့် လေတစ်ချက် ချွန်လိုက် မိသည်။ အိပ်မက်ထဲက ကုဒ်နံပါတ်ကို မဖော်နိင်သော်လည်း သူနှင့်သူ့အကို နှစ်ယောက်စပ်တူ လုပ်ကြသော လုပ်ငန်းအတွက် အခုတော့ သူစိတ်ချရပြီ မဟုတ်လား။ သူ့ထံမှ ငွေတံခါးကို လာဖွင့်မည့် သော့တံများကို သူ ကာကွယ်လိုက်နိင်ပြီလေ။

Saturday, January 29, 2011

ဥာဏ်များတဲ့ ဘကြီးမြစ်

ကိုယ့်လူတို့ကို ကျနော့်ဘကြီး အကြောင်း ပြောပြချင်သေးတယ်။ ကျနော်ဖြင့် ဘကြီးအကြောင်းတွေးမိတိုင်း ပြုံးစေ့စေ့ဖြစ်ရတယ်ဗျာ။ ကျနော်တင်မဟုတ်ပါဘူး ဘကြီးအကြောင်း ကြားရတဲ့သူတိုင်း သဘောတွေကျပြီး လေးစားသွားကြတာချည်းပဲ။ ဒါပေမယ့် ဘကြီးရဲ့ အကြောင်းပြန်ပြောတိုင်း မခံချိမခံသာ ဖြစ်ကြတဲ့ လူတစ်စုတော့ ရှိတယ်ဗျ။ ကိုယ့်လူတို့ကတော့ အဲဒီလူတစ်စုက ဘကြီးရဲ့ ရန်သူတွေလို့ထင်ကြမှာပဲ။ အဲဒီလိုထင်ရင်တော့ တက်တက်စင်အောင် လွဲပြီခင်ဗျ။ အဲဒီလူတစ်စုဆိုတာ ကျနော့်ရဲ့ အကိုတွေ အစ်မတွေပါပဲ။ ကျနော့် အကိုတွေ အစ်မတွေဆိုမှတော့ ဘကြီးရဲ့ တူ ၊ တူမ အရင်းကြီးတွေပေါ့ဗျာ။ ဖြစ်ပုံကဒီလိုခင်ဗျ။

ကျနော်တို့မှာ အဖေ့ရဲ့အစ်ကိုတစ်ယောက်ရှိတယ်။ သူနာမည်က ကိုမြစ်တဲ့ အသက်ကြီးလာတော့ ဦးမြစ်၊ ဘကြီးမြစ် လို့ ပါတ်ဝန်းကျင်က ခေါ်ကြပေမယ့် ကျနော်တို့ မောင်နှမတွေကတော့ ဘကြီးလို့ပဲ ခေါ်ကြတာပါပဲ။ ဘကြီးက တစ်ကိုယ်တည်း လူပျိုကြီးခင်ဗျ။ ကျနော်တို့ မိဘနှစ်ပါးလုံး ဆုံးပါးသွားတော့ ဘကြီးက ကျနော်တို့နဲ့လာနေတယ်။ အဲဒီအချိန် သူ့အသက်က ၆၀ ကျော်ပြီ။ ဘကြီး ကျနော်တို့အိမ် ရောက်တော့ မောင်နှမတွေထဲမှာ အငယ်ဆုံးဖြစ်တဲ့ ကျနော့်အသက်က ၁၃နှစ်ကျော်ကျော်ပဲ ရှိအုံးမယ်။

ဘကြီးက လူပေလူတေကြီးဗျ။ ကျနော်တို့နဲ့နေမှသာ အတည်တကျ အိမ်နဲ့ယာနဲ့ နေဖြစ်ပေမယ့် သူငယ်စဉ်က နိင်ငံအနှံ့လျှောက်သွားနေတာတဲ့၊ ၁၂ပွဲဈေးသည်တွေနဲ့ ကူဖော်လောင်ဖက် လိုက်သွားရင်းကနေ ဇာတ်အဖွဲ့နဲ့ခင်ပြီး ဇာတ်အဖွဲ့ထဲ ရောက်ရင်ရောက်သွားပြန်ရော။ ဇာတ်ထဲမှာ နေရင်းကနေ အဖော်အပေါင်းကောင်းရင် ရွှေတူးတဲ့နေရာ ရောက်ချင်ရောက်သွားပြန်တာတဲ့။ လွယ်လွယ်ပြောရရင် ပျော်သလိုနေတဲ့ ဘကြီးပေါ့ဗျာ။ အသက်အရွယ်ရလာတာရယ် ကျနော်တို့ မိဘတွေ မရှိတော့တာ ရယ်ကြောင့် ကျနော်တို့နဲ့ လာနေတာနဲ့တူပါရဲ့။

ကျနော်တို့အိမ်ကို ဘကြီးရောက်ပြီး တစ်ပါတ်လောက် ကြာတော့ ကျနော်နဲ့ ကိုငယ်ကို မြို့ထဲခေါ်သွားတယ်။ မြို့ထဲရောက်တော့ သူ့ဘေးလွယ်အိတ်ထဲက ကတ္တီပါအိတ်ရှုံ့လေးကို ဆွဲထုတ်လိုက်တယ်။ အဲဒီ အိတ်ရှုံ့လေးထဲကနေ လက်စွပ်တစ်ကွင်းကို ထုတ်ပြီး ရွှေဆိုင်မှာရောင်းလိုက်တယ်။ အဲဒီလက်စွပ် မရောင်းခင် အိတ်ရှုံ့ထဲက တခြားလက်စွပ်တွေ ဆွဲကြိုးတွေ ထုတ်ကြည့်ပြီးမှ စိတ်ကြိုက်တစ်ကွင်းကိုပဲ ရောင်းလိုက်တဲ့ ပုံစံခင်ဗျ။ လက်စွပ်ရောင်းပြီးတော့ ဘဲကင် တစ်ကောင်ဝယ်တယ်။ ပြီးတော့ အိမ်ကို ပြန်လာကြတယ်။

အိမ်ရောက်တော့ ကျနော်တို့ မောင်နှမ ၆ ယောက်လုံးကို ဧည့်ခန်းကို လာခိုင်းတယ်။ ပြီးတော့ ခုနက လက်စွပ်ရောင်းလို့ ရလာတဲ့ ငွေတွေကို မောင်နှမ ၆ ယောက်ကို ခွဲဝေပေးတယ်။ မင်းတို့ကို ဘကြီးမုန့်ဖိုးပေးတာလို့ပဲ ပြောတယ်ဗျ။ ဒီငွေတွေ ဘယ်ကရလာတာကိုတော့ ထုတ်မပြောဘူး။ အဲဒီတော့ ဘကြီးအခန်းထဲလည်း ဝင်ရော အကိုအမတွေက ကျနော်နဲ့ ကိုငယ်ကို ဝိုင်းမေးကြတော့တာပဲ။ ဒီနေ့ဘကြီးနဲ့ ဘယ်သွားတာလဲ၊ ဘာဝယ်ပေးလဲနဲ့ စုံနေအောင်ကို မေးကြတာပဲ။ ဒီတော့ ကျနော်တို့ကလည်း ဘကြီး လက်စွပ်ရောင်းတာတွေ အိတ်ရှုံ့ထဲက တခုပြီးတခုထုတ်ကြည့်ပြီးမှ လက်စွပ်ကို ရွေးပြီး ရောင်းလိုက်တာတွေကို အားပါးတရ ဖောက်သည်ချတော့တာပဲ။

အခုလို အသက်ကြီးမှ တွေးမိတာက အဲဒီလို ပြန်ပြောစေချင်လို့ ကျနော်တို့လို နှုတ်မလုံတဲ့ ကလေးတွေကို အဖော် ခေါ်သွားမှန်း သဘောပေါက်တော့တယ်။ အဲဒီတုန်းကတော့ ဘယ်သိပါ့မလဲ။ ကျနော်မသိသလို ကျနော့်အကိုတွေနဲ့ အမတွေလည်း သိပုံမပေါ်ပါဘူး။ အဲဒီနောက်ပိုင်းရက်တွေမှာတော့ ကျနော်တို့ အိမ်မှာ တီးတိုး တီးတိုးနဲ့ ကျိတ်ပြောတာတွေ ရှိလာတယ်။ အဲဒီအချိန်မှာ ကျနော်က ကလေးဆိုတော့ ဟိုစပ်စပ်ဒီစပ်စပ် လိုက်နားထောင်ရင်းနဲ့ သူတို့ပြောတာတွေ တစွန်းတစ ကြားရတာပေါ့။

ပစ္စည်းတွေက မနဲဘူးဟဲ့ ဆိုပြီး အမအကြီးဆုံးက ပြောတော့ အစ်မလတ်က အေးလေ ငါချောင်းကြည့်တာ တွေ့သွားလို့ အထုတ်ထဲ ချက်ချင်းပြန်ထည့်လိုက်တာဟ ဆိုပြီး တိုးတိုး တိုးတိုးနဲ့ ပြောနေကြသလို ကျနော့် အကိုတွေကလည်း ဘကြီးအခန်းဝနားမှာ ဝေ့လည်လည်လုပ်ပြီး အခန်းထဲ ချောင်းချောင်းကြည့်ကြတယ်ဗျ။

အဲဒီနောက်ပိုင်းကစပြီး ကျနော်တို့အိမ်မှာ ကတ္တီပါအိတ်ရှုံ့လေးက ဟော့အဖြစ်ဆုံး သတင်းဖြစ်သွား တော့တာပဲ။ ဘကြီးကိုလည်း တစ်အိမ်လုံး ဂရုစိုက်လိုက်တာများ ပြောမနေနဲ့တော့ ကော်ဖီဖျော်တိုက်တဲ့အစ်မနဲ့ နွားနို့ကျိုပေးတဲ့ အစ်ကိုလည်း သူ့ကော်ဖီ နဲ့ ငါ့နွားနို့ ဘယ်ဟာ ကျန်းမာရေးနဲ့ ညီညွတ်တယ်ဆိုပြီး ငြင်းကြခုန်ကြ၊ မိုးလေးနဲနဲအေးတာနဲ့ ဘကြီးရေချိုးဖို့ ရေနွေးအိုး တည်ပေးတဲ့သူနဲ့ ဘကြီးဘာစားချင်လဲဆိုပြီး အမြဲမေးတဲ့သူနဲ့ အပြင်က ပြန်လာရင် ဘကြီးအတွက် မုန့်ဝယ်လာပေးတဲ့သူနဲ့ ဝိုင်းဂရုစိုက်လိုက်ကြတာများ ပြောမဆုံးပေါင်ပဲ။ အုန်းနို့ခေါက်ဆွဲ ဝယ်လာပေးတဲ့ အမလတ်တောင် ဘကြီးကိုသွေးတိုးအောင် လုပ်တာလားဆိုပြီး ဝိုင်းဆူတာ ခံလိုက်ရသေးတယ်။

ဘကြီးနဲ့ အမြဲအတူတူရှိတဲ့ ကျနော့်ကိုလည်း အိတ်ရှုံ့ထဲမှာ ပစ္စည်းတော်တော်များလား၊ အထဲမှာ ဘာတွေတွေ့လဲ ဆိုပြီး တစ်ယောက်တစ်လှည့် အပြင်ခေါ်ထုတ်ပြီး မေးကြတာ။ ဘကြီးကလည်း ဘကြီးပဲဗျ ကျနော်ကို သူငယ်ငယ်က အကြောင်းတွေ ပြောရင်းကနေ နေအုံးငါ့ပစ္စည်းတွေ ရှိသေးရဲ့လားဆိုပြီး သူ့ဘီဒိုကို သော့ဖွင့်ပြီး အိတ်ရှုံ့လေးကို ဖွင့်ကြည့်လားကြည့်ရဲ့နဲ့၊ မလုံတလုံ လုပ်မှ လူပိုစိတ်ဝင်စားမှာကို သဘောပေါက်တဲ့ ဘကြီးက သူ့အိတ်ရှုံ့လေးထဲမှာ ရတနာတွေ ရှိတာကို ပါးပါးလေးနဲ့ အားလုံးသိအောင် လုပ်သွားမှန်း အသက်ကြီးမှ သိတာပဲ။ အဲဒီတုန်းကတော့ သူအိတ်ရှုံ့လေးကို မသိမသာဖွင့်ပြတာတွေကို ကျနော် ဖောက်သည်ချတာနဲ့ အိမ်ကလူတွေ အကုန်သိတာပါပဲ။ ဒီတော့ အိတ်ရှုံ့လေး တန်ခိုးနဲ့ ဘကြီးလည်း အနေအစား ဇိမ်ကိုကျလို့။

ကျနော်တို့အိမ် ဘကြီးရောက်ပြီး တစ်နှစ်လောက်နေတော့ အိတ်ရှုံ့ထဲက ဆွဲကြိုးခပ်သေးသေး တစ်ကုံးထုတ်လာပြီး အစ်မအကြီးဆုံးကို သွားရောင်းခိုင်းတယ်။ ရလာတဲ့ငွေလည်း ကျနော်တို့မောင်နှမ ၆ ယောက်လုံးကို ခွဲပေးတာပါပဲ။ ခက်တာက ဘကြီးက သူ့အိတ်ရှုံ့လေး အကြောင်းကို စကားအစကိုမခံတာဗျ။ အစ်မတွေကလည်း သွေးတိုးစမ်းတယ်လေ။ ထမင်းစားရင်းနဲ့ ဘကြီးအရှေ့မှာ အချင်းချင်း အတိုင်အဖောက် ညီညီနဲ့ ပြောကြတယ်။ မနက်ဖြန်အလှူက မသွားလို့ကလည်း မကောင်း သွားဖို့ကလည်း လက်ဝတ်လက်စားက မရှိနဲ့ ငါတော့ စိတ်ညစ်တာပါပဲဟယ် ဆိုပြီး ညည်းပြလည်း ဘကြီးက မသိချင်ယောင်ဆောင်ပြီး ထမင်းသာ ငုံ့စားနေတာပဲ။

ဘကြီးစိတ်ကွက်မှာစိုးလို့ ဇွတ်လည်းမပြောရဲဘူး။ သူတို့ကိုယ်တိုင်လည်း ကတ္တီပါအိတ်ရှုံ့လေးကို မသိချင်ယောင် ဆောင်ပေးကြတယ်။ သဘောကတော့ ဘကြီးမှာ ဘာရတနာပဲ ရှိရှိမရှိရှိ တူ၊တူမတွေက တကယ်ချစ်တာပါဆိုတဲ့ စတိုင်ဖမ်းထားကြတာဗျ။ ဒါတွေကလည်း အခုလို အသက်ကြီးလာမှ လူတွေရဲ့ သဘောမနောကို သိလာပြီး အဲဒီတုန်းက အထာတွေကို သဘောပေါက်မိတာပါ။ ဒီလိုနဲ့ တစ်သက်လုံး ပေပေတေတေနေတုန်းက မဖျားမနာတဲ့ ဘကြီးခင်ဗျာ ကျနော်တို့အိမ်မှာ ဇိမ်နဲ့နေမှပဲ ၃နှစ်မြောက်မှာ သေသွားတယ်။

ဘကြီးသေတော့ ကျနော့်အသက်က ၁၆နှစ် ပြည့်တော့မယ်။ သေတာကတော့ ဥဏှောက်သွေးကြော ပြတ်တယ်လို့တော့ ပြောတာပဲ။ မနက်စာ ထွက်မစားလို့ ဝင်ကြည့်တော့ အိပ်ယာထဲမှာ ဘကြီးက သေနေပြီ။ ဘကြီးသေပြီလည်း ကြားရော ဘကြီးအလောင်းကို ဘေးနားထားပြီး သူ့ဘီဒိုသော့ကို အသဲအသန် ရှာကြတော့တာပဲ။ ကျန်တဲ့သူတွေကလည်း ဘေးကနေ ညီညီမျှမျှနော် မတရားမလုပ်ကြနဲ့ ဆိုပြီး ဝင်ဝင်ပြောတယ်။

သော့လည်းတွေ့ရော အစ်မအကြီးဆုံးက ဖြတ်ခနဲ ဆွဲယူပြီး အခုမကြည့်နဲ့အုံး ဘကြီးအလောင်း မြေကျပြီးမှ ခွဲဝေမယ်တဲ့။ ဒီတော့ အကိုလတ်က ဒါဆိုသော့သူသိမ်းထားမယ်တဲ့ ဝင်ပြောတယ်။ ငါအကြီးဆုံး ငါပဲသိမ်းမယ်ဆိုပြီး အစ်မက ထပ်ပြောတော့ ဒါဆို အခန်းတံခါးကို သော့ခတ်ပြီး သူသိမ်းထားမယ်တဲ့ အကိုလတ်က ပြန်ပြောတယ်။ ကျန်တဲ့သူတွေကလည်း အဲဒါကောင်းတယ်ဆိုပြီး ဝိုင်းထောက်ခံကြတာနဲ့ အစ်မကြီးက ဘီဒိုသော့သိမ်းပြီး အကိုလတ်က အခန်းသော့ သိမ်းထားတယ်။ ကျနော့်ကိုတော့ အကိုငယ်က ခပ်တိုးတိုး တိုင်ပင်တယ်။ သူတို့နှစ်ယောက်ကို သတိထားကြည့်ထားတဲ့။ ဒါနဲ့ ကျနော်လည်း ဘကြီးနာရေး ဝေယျာဝစ္စတွေလုပ်ရင်း သူတို့ကိုလည်း အကဲခတ်ရတာပေါ့။

ဒီလိုနဲ့ ဘကြီးအလောင်းမြေကျပြီး ညနေမှာပဲ မောင်နှမ ၆ ယောက်လုံး ဘကြီးအခန်းထဲမှာ စုမိကြတယ်။ အခန်းတံခါးကို ပိတ်လိုက်ပြီး ဘီဒိုဖွင့်ဖို့ပြင်ကြတယ်။ ဒီလောက်ရေးပြထားရင် ဒီကတ္တီပါအိတ်ရှုံ့မှာ လှည့်ကွက်တစ်ခုခုရှိနေမယ်ဆိုတာ ကိုယ့်လူတို့ သဘောပေါက်နေပါပြီ။ အမှန်ပဲဗျ။ အဲဒီအိတ်ရှုံ့မှာ လှည့်ကွက်ရှိနေတယ်။ ဘာပဲဖြစ်ဖြစ် ပြီးအောင်တော့ဖတ်ဗျာ။ ကိုယ့်လူတို့ထဲမှာ လူပျို အပျို ကြီးဘဝနဲ့ တူ၊ တူမတွေနဲ့ ဘဝနေဝင်ချိန်ကို ဖြတ်သန်းရမယ့်သူ ပါလာခဲ့ရင် ဘကြီးရဲ့ အကွက်လေး အသုံးဝင်လို ဝင်ငြားပေါ့။

ဆက်ရရင် အမကြီးက ဦးဆောင်ပြီး ဘီဒိုဖွင့်လိုက်တယ်။ ပြီးတော့ ဘီဒိုအပေါ်ဆုံးအထပ်က သေတ္တာ အသေးလေးကို ဆွဲထုတ်တယ်ခင်ဗျ။ အဲဒီသေတ္တာထဲမှာ ကတ္တီပါအိတ်ရှုံ့ကို ထည့်သိမ်းထားတာလေ။ အဲဒါနဲ့ သေတ္တာကို မောင်နှမ ၆ ယောက်အလယ်မှာ ချပြီး အမကြီးက ဖွင့်လိုက်တယ်။ အဲဒီသေတ္တာထဲမှာ အားလုံးမျှော်လင့်ထားတဲ့ ကတ္တီပါ အိတ်ရှုံ့လေးရှိနေတယ်။ ကတ္တီပါအိတ်ရှုံ့လေးကို ဆွဲယူလိုက်တဲ့ အစ်မရဲ့ လက်က တုန်နေတာ ကျနော်အခုထိ မျက်စိထဲက မထွက်သေးဘူး။ သူက လက်တုန်နေသလို ကျနော်တို့အားလုံးလည်း ကိုယ်စီကိုယ်စီ ရင်တုန်နေကြတာပါပဲလေ။ အိတ်လေးကို ဟပြီး သွန်ချလိုက်တော့ အထဲကနေ ဆွဲကြိုးတွေ လက်စွပ်တွေ အစိမ်းရောင် အနီရောင်ကျောက်အသေးလေးတွေ ထွက်လာတယ်။

အဓိကပစ္စည်းတစ်ခုလည်း ထွက်ကျလာတယ်။ အဲဒါက စာရွက်ခေါက်လေးပါပဲ။ ဒါပေမယ့် ကျနော်အပါအဝင် ဘယ်သူမှ စာရွက်ခေါက်ကို ဂရုမစိုက်နိင်ပါဘူး။ ရတနာတွေကိုပဲ မျက်တောင်မခတ် ငေးနေမိကြတယ်။ တခုစီကိုင်ကြည့်ကြတယ်။ ကျနော်လည်း ကိုင်ကြည့်တာပါပဲ။ နောက်တော့ အကိုငယ်က စာရွက်ကို ဆွဲယူပြီး ဖွင့်လိုက်တယ်။ ပြီးတော့ အားလုံးကြားအောင် ဖတ်ပြတယ်။ အဲဒီစာလည်း ဆုံးရော အကိုတွေ အမတွေဆိုတာ ဒေါသတွေ ထွက်လိုက်ကြတာများ အံတကြိတ်ကြိတ်နဲ့ ဖြစ်ကုန်ပြီး အခန်းထဲက ထွက်သွားကြတော့တာပဲ။ ပစ်ချထားခဲ့တဲ့ အဲဒီစာကို ကျနော် သိမ်းထားလို့ အခုထိရှိသေးတယ်။ အထဲမှာ ရေးထားတာက ဒီလိုခင်ဗျ။

ဘကြီးကို သိပ်ချစ်ကြတဲ့ တူ၊တူမကြီးတို့ရေ...

ဒီစာဖတ်နေချိန်မှာ ဘကြီးလူ့လောကမှာ မရှိနိင်တော့ပါဘူး။ ဘကြီးမသေခင်မှာ ဂရုတစိုက်နဲ့ ကျွေးမွေးပြုစု စောင့်ရှောက်ခဲ့တာအတွက် ဘကြီးသိပ်ကျေးဇူးတင်ပါတယ်။ တူ၊တူမကြီးတို့လည်း ကုသိုလ်တွေ အများကြီး ရမှာသေချာပါတယ်။ တစ်ကိုယ်တည်း လူပျိုကြီးဖြစ်တဲ့ ဘကြီးအတွက် အိုကံကောင်းဖို့ဆိုတာ ဥာဏ်ကူမှ ရမှာကို သိလို့ ဘကြီးပိုင်ဆိုင်သမျှတွေကို ရောင်းချပြီး အပေါင်ဆုံး လက်စွပ်တကွင်းနဲ့ ဆွဲကြိုးတကုံး ဝယ်ခဲ့ပါတယ်။ အဲဒီပစ္စည်းတွေလည်း ဘကြီး ပြန်ရောင်းချပြီး တူ တူမကြီးတို့ကို ခွဲဝေပေးခဲ့တာ အားလုံးအသိပါ။ ဒီထဲမှာ ကျန်နေသေးတဲ့ ပစ္စည်းတွေက အစစ်တွေမဟုတ်ပါဘူးကွယ်။ ဒါကြောင့် ကိုယ့်မိဘအမှတ်နဲ့ ကျွေးမွေးပြုစုခဲ့တယ်မှတ်ပြီး သာဓုခေါ်ရစ်ကြပါ။ တူ တူမကြီးတို့လည်း အိုကံကောင်းပါစေကွယ်။

မင်းတို့တတွေသိပ်ချစ်တဲ့ ဘကြီးမြစ်

တဲ့လေ။ ကဲ.. ဘယ်လောက်ပိုင်လိုက်တဲ့ ဘကြီးလဲဗျာ။ အစစ် နှစ်ခုကို ရင်းပြီး ဇိမ်ကျကျနေသွားတာများ ကြားရသူတိုင်း သဘောတွေကျလို့ အဲ..ကျနော့် အမတွေ အကိုတွေတော့ မပါဘူးပေါ့ဗျာ။ ကျနော်လည်း သဘောကျတာပါပဲ။ ဘကြီးကို ကျနော်က ဘာမှ ဝယ်မကျွေးလိုက်ရဘူးလေ၊ ကပ်ပြီးတော့တောင် စားလိုက်ရသေးလို့ ဘကြီးကို သဘောကျတဲ့သူတွေထဲမှာ ကျနော်လည်း ပါတာပေါ့။ အကိုလတ်ကတော့ သူ့သူငယ်ချင်း ပန်းထိမ်ဆရာဆီမှာ အဲဒီရတနာအတုတွေကို တကယ့်အတုဟုတ်မဟုတ် သွားစစ် လိုက်သေးတယ်။ သိပ်သစ္စာရှိတဲ့ ဘကြီးပါဗျာ။ အတုဆိုမှ အကုန်အတုတွေချည်းပဲ။

ကဲ...ဘကြီးအကြောင်းကြားပြီးတော့ ကိုယ့်လူရော သဘောမကျသွားဘူးလား။

Tuesday, January 25, 2011

အကျော်အခွဇယား (၂)

တစ်နေ့သော ညနေခင်းတွင် သူငယ်ချင်းလေးယောက် ကျွန်တော့်အိမ်တွင်စုမိကြလေသည်။ ထိုသူလေးယောက်မှာ ငယ်စဉ်ကတည်းက ပေါင်းလာခဲ့ကြသော ငယ်သူငယ်ချင်းများဖြစ်သည့် ဆူးလေဖိုးသူ၊ ဗေထိရဲကြီး၊ လက်ခုပ်မင်းသူနှင့် ကျွန်တော်ဖြစ်သည်။ ယခင်ကတော့ တုတ်ကြီးငဖြိုးအပါအဝင် သူငယ်ချင်း ငါးယောက်ရှိခဲ့သော်လည်း တုတ်ကြီးငဖြိုးမှာ ကျွန်တော်တို့အဖွဲ့ကို တစ်ပတ်ရိုက်ကာ လူလည်ကျပြီး ရှောင်ပြေးနေသဖြင့် ယခုအခါ ကျွန်တော်တို့လေးယောက်တည်းသာ ကျန်တော့သည်။

ငယ်သူငယ်ချင်းများ ဖြစ်တာကြောင့် တုတ်ကြီးငဖြိုးအနေဖြင့် ကျွန်တော်တို့အဖွဲ့ထဲကို တစ်ချိန်ချိန်မှာ ပြန်ဝင်လာ နိုင်သော်လည်း ယခုလောလောဆယ် တွင်တော့ မဖြစ်နိုင်သေးပေ။ အဘယ်ကြောင့်ဆိုသော် ယခုလောလောဆယ် တုတ်ကြီးလက်ထဲတွင် ငွေစကြေးစများ ရွှင်နေသေးသောကြောင့် ကျွန်တော်တို့ထံ လာဖို့ စိတ်ကူးမည် မဟုတ်သလို ကျွန်တော်တို့မှလည်း လောလောလတ်လတ် အကျော်အခွခံထားရသဖြင့် နာကျည်းချက်ကြောင့် တုတ်ကြီးအပေါ် မကျေနိုင်သေးပေ။ ကျွန်တော်တို့လေးယောက် ရောက်တတ်ရာရာ စကားပြောရင်း တုတ်ကြီးအကြောင်းကို စကား စမိသွားသည်။ လက်ခုပ်မင်းသူမှ

“တုတ်ကြီးအကြောင်း မင်းတို့ကြားပြီးပြီလား”

ဟုမေးလိုက်သဖြင့် ဗေထိရဲကြီးမှ

“ တုတ်ကြီးဘာဖြစ်လို့လဲ.. ”

ကျွန်တော်မှ စိတ်နာထားသောအခံဖြင့်
“ဘာလဲ ကားတိုက်ခံရပြန်ပြီလား” ဟု ရွဲ့ပြီးမေးလိုက်သည်။ မင်းသူမှရယ်ကျဲကျဲဖြင့် ပြန်ဖြေသည်။

“ မင်းတို့ ပို့တဲ့ မေတ္တာကြောင့်နဲ့တူတယ် တုတ်ကြီး ငွေရွှင်နေတယ်လေ ”
“ ဟုတ်လား..ဒီကောင် ဘာဂွင်တွေ မိထားလို့လဲ”

“ ဖဲနိုင်တာတဲ့ဗျာ.. တစ်ဝိုင်းလုံးကို သိမ်းသွားတယ်ဆိုပဲ ”

“ ဘယ်သူတွေနဲ့ ရိုက်တာလဲ ”

“ ဘိုတိုးတို့၊ ပြားကြီးတို့၊ စမ်းယုတို့နဲ့ ရှမ်းကိုးမီး ရိုက်တာတဲ့လေ.. ဒီကောင် ဝိုင်းလုံးကျွတ် သိမ်းသွားတယ်လို့ကြားတယ်”

“ ငါတို့ အစ်မသားတုတ်ကြီး ... တော်တော်ကံကောင်းနေတယ် .. ငါတို့မှာတော့ ငတ်လို့ပြတ်လို့”

“ အေးလေ.. ဒီကောင် ငါတို့ငွေတွေနဲ့ ပွားနေတာ”

လက်ခုပ်မင်းသူမှ..
“ တုတ်ကြီး ဒီရက်ပိုင်း လျှံနေတယ်ကွ.. ဒီကောင့်ဆီက ငွေတွေ ပြန်ရအောင် အကြံထုတ်ကြစမ်းပါကွာ”

ထိုအခါ ကျွန်တော်မှ
“ အကြံကတော့ ထုတ်တာပဲကွ.. ခက်တာက ငါတို့အကွက်တွေကို ဒီကောင်က ကြိုသိနေတော့ လှည့်စားလို့ မရဘူးဖြစ်နေတယ်.. ” ဟုပြောလိုက်သည်။ထိုအခါ ဆူးလေဖိုးသူမှ

“ အေးလေ.. ငါ့ညီမဝမ်းကွဲ သူငယ်ချင်းနဲ့ မျှားတာတောင်မှ ဒီကောင်ရအောင်ရှောင်ထွက်သွားတယ်..”

“အေးကွာ.. အဲဒီတုန်းက ငါတော့ခွင်မိပြီထင်ထားတာ”

“သူခံရမှာကျတော့ တော်တော်ကြောက်တဲ့ကောင် ”

ဟုတ်သည်။.. ဒီကောင်က သူပြန်ခံရမှာတော့ ကြောက်သည်။ ကျွန်တော်တို့ဝေစုများကို သူတစ်ပတ်ရိုက်ပြီး ၁၀ရက်ခန့်အကြာတွင် ဖိုးသူညီမဝမ်းကွဲ၏ သူငယ်ချင်းကောင်မလေးကို အကူအညီတောင်းကာ တုတ်ကြီးကို မျှားရန် ကြံစည်ခဲ့ဖူး၏။ ရုပ်ရှင်တွေထဲကလို တုတ်ကြီးက ထိုကောင်မလေးကို တစ်နေရာရာ ခေါ်သွားချိန် ကြိုတင် စီစဉ်ထားသည့် အစ်ကိုတစ်ယောက်က ဒါသူ့ဇနီးဟုဆိုပြီး တုတ်ကြီးထံမှ ငွေညှစ်ရန်စီစဉ်ထားသော်လည်း တုတ်ကြီးမှ ထိုကောင်မလေးကို ပြုံးပြပြီးရှောင်ထွက်သွားတာကြောင့် ထိုအစီအစဉ် ပျက်သွားခဲ့ဖူးသည်။ထိုမျှအထိ တုတ်ကြီးက သတိကောင်းလွန်းသည်။

ထို့နောက်ကျွန်တော်တို့ ရောက်တတ်ရာရာများပြောပြီး လူစုခွဲလိုက်ကြ၏။ ထိုညတွင်တော့ တုတ်ကြီးကို အပီနှက်ရန် ကျွန်တော်စဉ်းစားခန်း ဝင်နေသည်။ လူတစ်ယောက်၏ အားနည်းချက်ကို အရအမိချုပ်ကိုင်ရန်မှာ ထိုသူ၏စရိုက် ဝါသနာတို့မှ ထိုးဖောက်ရတာ အလွယ်ဆုံး မဟုတ်လား။ ထို့ကြောင့် တုတ်ကြီး၏ ဝါသနာနှင့် စရိုက်ကို အပြင်းအထန်တွေးနေမိသည်။ မိန်းခလေးများနှင့် မျှားလျှင်လည်း မိမည်မထင်။ ရိုက်လုလို့ကလည်း မဖြစ်။

ထိုသို့ စဉ်းစားရင်းဖြင့် တုတ်ကြီး၏ ဝါသနာတစ်ခုကို သတိရသွားသည်။ ထိုဝါသနာမှာ ဖဲရိုက်ခြင်းဖြစ်သည်။ တုတ်ကြီးသည်ဖဲရိုက်ရတာ အလွန်ဝါသနာပါသည်။ထို့ကြောင့် တုတ်ကြီး၏ ဝါသနာဖြစ်သော ဖဲရိုက်ခြင်းနှင့် မျှားမှဖြစ်မှာကို တွေးမိသည်။ ထိုသို့တွေးမိသဖြင့် ဒီကောင့်ကိုဖဲဝိုင်းကနေ မည်သို့တစ်ပတ်ရိုက်ရမလဲဆိုသည်ကို ဥာဏ်နီဥာဏ်နက်များ ထုတ်နေမိသည်။ ဖဲရိုက်ရာတွင် ကျွန်တော်တို့ထက် ပိုသွေးအေးသော ပိုတွက်တတ်သော ပိုကျွမ်းကျင်သော တုတ်ကြီးကို တော်ရုံဖြင့် လှည့်စား၍ ရနိုင်ဖို့ရန် မလွယ်ကူသောကြောင့် သေချာပေါက် အနိုင်ရမည့်နည်းကိုသာ စဉ်းစားနေမိသည်။

ကျွန်တော်တို့ ရှုံးသွား၍မဖြစ်၊ ထိုသို့တွေးရင်းဖြင့် တုတ်ကြီးကို လှည့်စားနိုင်မည့်နည်းတစ်ခုကို စဉ်းစားမိသွားသည်။ ထိုအကြံအစည်ကို တွေးမိသဖြင့် ကျွန်တော် အသံထွက်အောင် ရယ်လိုက်မိ၏။ ရိုးရှင်းလွန်းသော ထိုအကွက်တွင် တုတ်ကြီးအငိုက်မိသွားနိင်သည်။ ထို့ကြောင့် ဒီကောင့်လက်ထဲ ငွေရွှင်နေချိန် ခပ်သွက်သွက် လှုပ်ရှားရမှာ ဖြစ်သည့်အတွက် မနက်ဖြန်တွင် စတင်လှုပ်ရှားရန် ဆုံးဖြတ်လိုက်၏။ နောက်နေ့မနက်တွင် သူငယ်ချင်းများကို စုစည်းလိုက်သည်။

“ တုတ်ကြီးကို တစ်ပတ်ရိုက်ဖို့ ငါအကြံတခုရထားတယ်ကွ။ ငါတို့ငွေတွေ သေချာပေါက် ပြန်ရစေရမယ်”

ကျွန်တော့် စကားကြောင့် ကျန်သည့်သူများ စိတ်ဝင်တစားရှေ့သို့ တိုးလာကြ၏။ တုတ်ကြီးကို အကျော်အခွ လုပ်ရမည် ဆိုတာကြောင့် ပို၍ တက်ကြွကြခြင်းဖြစ်သည်။ ရဲကြီးမှ

“မင်းအစီအစဉ်က ဘယ်လိုလဲပြောပါဦး”

“ငါ့အကြံအစည်က တုတ်ကြီးကို ချိန်းပြီးဖဲရိုက်မယ်”

“ အမ် ”

“အာ.. တုတ်ကြီးက ဖဲရိုက်တာ ငါတို့ထက် ပိုကျွမ်းတယ်ကွ မရှိမဲ့ရှိမဲ့လေးတွေ ကုန်သွားဦးမယ်ကွာ။”

“ မရှုံးစေရဘူးစိတ်ချ။ ငါသေသေချာချာ အကွက်ချထားပြီးပြီ”

“ဒါဆို အစီအစဉ်ပြောပြကွာ”

“ ငါစီစဉ်ထားတာက ဒီလိုကွ.. မင်းသူနဲ့ ရဲကြီးက တုတ်ကြီးအိမ်သွားပြီး ဖဲရိုက်ဖို့စိမ်ခေါ်ကွာ။ မခံချင်အောင်ပြောနော် သူနဲ့ချိန်းပြီးတာနဲ့ ငါတို့အားလုံးဖဲဝိုင်းမှာ ငွေပြနိုင်ဖို့ ပိုက်ဆံရှာရမယ်”

“ အစီအစဉ် အသေးစိတ်ပြောလေကွာ၊ ဖဲဝိုင်းမှာ ငါတို့က ဘယ်လိုရုပ်ရှင်ရိုက်ရမှာလဲ”

“ပုံမှန်ပဲလေကွာ ဖဲကိုသာအာရုံစိုက်ပြီး နိုင်အောင်ရိုက်၊ ရှုံးမှာ စိတ်မပူနဲ့.. အရေးကြီးတာက ငါတစ်ခုခု လှုပ်ရှားပြီဆိုတာနဲ့ မင်းတို့အနောက်ကနေ သံယောင်လိုက်ရမယ်..အဲဒါအဓိကပဲ ”

“အေး ဒါဆိုလဲ ငါတို့ အခုတုတ်ကြီးအိမ်သွားမယ် ” ပြောပြောဆိုဆိုဖြင့် မင်းသူမှ မတ်တပ်ထရပ်လိုက်သည်။

ကျွန်တော်မှ
“ သွားတာက ငါတို့အားလုံး အတူတူသွားမယ်.. လမ်းထိပ်မှာ ငါနဲ့ဖိုးသူစောင့်နေခဲ့မယ် .. မင်းနဲ့ရဲကြီးက ဒီကောင့်ကို ဖဲရိုက်ဖို့ သွားချိန်း.. ဖဲဝိုင်းဖြစ်မှ ငါတို့ပိုက်ဆံပြန်ရမှာနော်.. ဒါကြောင့် မရရအောင် ချိန်း.. အရေးကြီးဆုံးပြောရမှာက သူ့အခန်းမှာပဲ ဖဲရိုက်မယ်ဆိုတာကိုပြော”

ထို့နောက် ကျွန်တော်နှင့်ဖိုးသူ တုတ်ကြီးအိမ် လမ်းထိပ်က လ္ဘက်ရည်ဆိုင်တွင် ထိုင်စောင့်နေကြသည်။ ၁၀မိနစ်ခန့်ကြာပြီးနောက် မင်းသူနှင့် ရဲကြီး ပြန်ထွက်လာကြ၏။ လှမ်းမြင်နိုင်သော နေရာလောက်ကတည်းက လက်မထောင်ပြတာကြောင့် ချိန်းပွဲဖြစ်ပြီဆိုတာ သိလိုက်ရသည်။

“နေ့လည် ၂နာရီ ရိုက်ဖို့ ချိန်းထားခဲ့တယ်.. ဒီကောင်က အင်တင်တင်နဲ့ကွ.. သူ့အိမ်မှာ ရိုက်မယ်ဆိုလို့သာ လက်ခံလိုက်တာ .. တစ်ခြားနေရာမှာဆို ငါတို့လိမ်မှာကို ကြောက်လို့နဲ့တူတယ်။”

ကျွန်တော်ထင်သလို ဖြစ်လာသဖြင့် ပြုံးလိုက်မိသည်။ရဲကြီးမှ..

“ဒီကောင်က သောက်ကြီးသောက်ကျယ်နဲ့ကွ.. ငွေပြနိုင်မှ ရိုက်မှာနော်တဲ့ ပြောလိုက်သေးတယ်။”

“အေးပါကွာ.. ငါတို့တွေ အခုလူစုခွဲပြီး ငွေများများရအောင် ချေးငှားပေါင်နှံပြီး ရှာခဲ့ကြ။ နေ့လည်တစ်နာရီခွဲ ဒီဆိုင်မှာ ပြန်ဆုံမယ်” ဟု ပြောပြီး ကျွန်တော်တို့ လူစုခွဲလိုက်ကြသည်။

ထို့နောက် ကိုယ်စီကိုယ်စီ ချေးငှားပေါင်နှံကာ ငွေရှာဖွေပြီးနောက် နေ့လည်တစ်နာရီခွဲတွင် ထိုလ္ဘက်ရည်ဆိုင်၌ ပြန်ဆုံကြသည်။ မိမိတို့ ရှာဖွေလာကြသော ငွေများကို ထုတ်ပြရင်း ဖိုးသူမှ..

“ မင်းဟာ နိုင်မှာသေချာရဲ့လားကွာ.. ရှုံးရင် ငါတို့ဒီမြို့က ထွက်ပြေးရမှာ”

“အေး ဟုတ်တယ် .. ငါလဲ မနည်းတောင်းပန်ပြီး ချေးလာတာ ပြန်မပေးလို့ မဖြစ်ဘူး”

“အေးကွာ ငွေက ရှာရတာ လွယ်တာ မဟုတ်ဘူး မင်းသေချာရင်ပြီးတာဘဲ”

ဟု တစ်ယောက်တစ်ပေါက် စိုးရိမ်တကြီးပြောကြသည်။ ထိုအခါ ကျွန်တော်မှ...

“ မောင်ပိုင်ပါကွာ စိတ်ချစမ်းပါ မရှုံးစေရဘူး ။ အရေးကြီးတာက ငါတစ်ခုခု လှုပ်ရှားတာနဲ့ အနောက်က မင်းတို့သံယောင်လိုက်ပြီး ဝိုင်းပြောဖို့ မမေ့နဲ့နော် အဲဒါ အဓိကပဲ။ ”

စည်းဝါးကိုက်ပြီးနောက် ကျွန်တော်တို့ လေးယောက် တုတ်ကြီးအိမ် ထွက်လာခဲ့ကြသည်။ ကျွန်တော်တို့ကို မြင်သဖြင့် တုတ်ကြီးမှ မချိုမချဉ်ပြုံးကာ

“ ငါ့သူငယ်ချင်းကြီးတွေ ပျောက်လှချည်လား မတွေ့တာကြာပေါ့... နေကောင်းကြရဲ့လား”

“ ကျန်းကျန်းမာမာ ပျော်ပျော်ရွှင်ရွှင်ပါပဲကွာ”

“အေးအေး..ကောင်းတယ် ဒါထက်ငါအခုတလော ကံတက်နေတာနော်. တော်ကြာ မင်းတို့ ရှုံးသွားဦးမယ်”

“ မင်းဘာမှ အပိုတွေ မပြောနဲ့ ရိုက်စရာရှိတာရိုက်မယ်.. ”

“ကဲ ဒါဆို.. ဘာရိုက်ကြမလဲ ”

“ယောက်ျားပဲကွာ.. ရှမ်းကိုးမီး ရိုက်တာပေါ့”

“ဒါဆိုလဲ လာကွာ အားလုံးပြင်ထားပြီးပြီ”

တုတ်ကြီး၏ဧည့်ခန်းတွင် ပုဆိုးတစ်ထည်ခင်းကာ ဖဲထုတ်အသစ်တစ်ထုပ် အဆင်သင့်ချထား၏။ ကျွန်တော်တို့ ၅ယောက် ၀ိုင်းထိုင်လိုက်ကြပြီး ပါလာသော ငွေများကိုအရှေ့တွင် ပုံကာ ချထားလိုက်သည်။ တုတ်ကြီးအရှေ့ တွင်တော့ ငွေပုံကြီးမှာ အထပ်လိုက်နှင့် အများကြီးဖြစ်သည်။ ထိုသည်မှာ တုတ်ကြီး၏ အကျင့်တစ်ခုဖြစ်သည်။ ဖဲရိုက်တိုင်း ရှိသမျှ ငွေများကို အရှေ့တွင် ပုံထားလေ့ရှိသည်။ သူ့အဆိုအရတော့ ကစားဖော်များမှာ ထိုငွေတွေကိုကြည့်ပြီး လောဘဇော တက်နေနိုင်တာကြောင့် ဖဲရိုက်ရာတွင် တည်ငြိမ်ဖို့မလွယ်ဟု ယူဆထားခြင်း ဖြစ်သည်။ ထို့ကြောင့် ယခုတွင်လည်း ရှိသမျှငွေများကို ရှေ့တွင်ချကာ ဟိုကောင်သုံးကောင်၏ မျက်လုံးများကို လောဘဇောဖြင့် အရောင် တစ်လက်လက် ထွက်နေစေ၏။ ထို့နောက်တွင်တော့ ရှမ်းကိုးမီးပွဲကြီး စတင်လေပြီ။

ပထမ နာရီဝက်အတွင်းတွင် လောင်းကြေးကို စွတ်အရမ်းမထိုးဘဲ မှန်မှန်သာ ထိုးကြသဖြင့် ပွဲမှာ ခက်အေးအေးသာ ဖြစ်နေသည်။ ထို့နောက်တဖြည်းဖြည်း အရှိန်ရလာကြ၏။ တစ်နာရီခန့်ကြာပြီးခန့်တွင် မင်းသူနှင့် ရဲကြီးမှာ ဖဲနိုင်နေသဖြင့် ပျော်တပြုံးပြုံးဖြစ်နေသည်။ အနည်းငယ် ရှုံးနေသော်လည်း တုတ်ကြီးမှာ တည်တည်ငြိမ်ငြိမ်ဖြင့် ဖဲအတက်အကျကို အလှည့်စောင့်ပြီး ကြေးအတိုးအလျှော့ဖြင့် ကစားသောကြောင့် ကျွန်တော်တို့ ငွေများ သူ့ရှေ့က ငွေပုံထဲသို့ တဖြေးဖြေးရောက်စပြုလာ၏။

နှစ်နာရီခန့်ကြာပြီးနောက် ဖဲဝိုင်းမှ ပထမဆုံး ငွေကုန်သဖြင့် ဖိုးသူထွက်လိုက်ရသည်။ ပါလာသောငွေလေး ကုန်သွားတာကြောင့် သူ့ခမျာ ဇီးရွက်ခန့်မျက်နှာငယ်လေးဖြင့် ကျွန်တော်မည်သို့လှုပ်ရှားမည်ဆိုသည်ကို မကြာမကြာ ကြည့်နေရှာသည်။ ထို့နောက် ဝိုင်းထဲမှ ဒုတိယမြောက်ထွက်ရသူမှာ မင်းသူဖြစ်သည်။ ကျွန်တော်နှင့် ရဲကြီးထံတွင်လည်း ငွေသိပ်မကျန်တော့။ ဟိုကောင် သုံးကောင်စလုံး မျက်စိမျက်နှာပျက်ကာ ၁၀စက္ကန့်တွင် တစ်ကြိမ်ခန့် ကျွန်တော့်ကို လှမ်းလှမ်းကြည့်ကာ လှုပ်ရှားမည့်အချိန်ကို စောင့်နေကြသည်။ ကံဖြင့် မနိုင်နိုင်တာကြောင့် ကျွန်တော်လည်း Plan B ကို ထုတ်သုံးလိုက်သည်။

ဖဲဝေဟန်ပြင်နေသော တုတ်ကြီးလက်ကိုဆွဲကိုင်ကာ

“မဝေနဲ့ဦး ငါဖဲထုတ် စစ်မယ်.. ”

“ဖဲထုတ်စစ်မယ်.. ဘာဖြစ်လို့လဲ”

“မင်းဖဲခိုးထားလား စစ်မှာပေါ့ကွ”

“ငါက ဘာလို့ဖဲခိုးရမှာလဲ စစ်ချင်စစ်..ရော့” ဟုဆိုကာ ဖဲထုတ်လှမ်းပေးသည်။

ဖဲတုတ်ကိုယူကာ တစ်ချပ်ချင်းစီ အောက်ပစ်ချပြီး အားလုံးမြင်အောင် ရေတွက်ပြသည်။ မျက်လုံးတွေအားလုံး ဖဲချပ်များထံတွင် စူးစိုက်ကြည့်နေကြသည်။ ဖဲဝိုင်းတစ်ခုလုံး တိတ်ဆိတ်ကာ ဖဲရွက်ရေတွက်သံ တစ်ခုသာ ထွက်ပေါ်နေ၏။ အချပ်ရေ ၄၀ ကျော်ပြီးနောက် အားလုံး သံပြိုင် ဝိုင်းရွတ်ကြသည်။

“၄၅.. ၄၆..၄၇.. ၄၈..၄၉.. ၅၀… ကဲ ၅၁ တွေ့လား တစ်ချပ်လိုနေတယ်.. ”

သေချာအောင် တုတ်ကြီး နောက်တစ်ကြိမ် ပြန်လည်ရေတွက်သော်လည်း ဖဲထုတ်မှာ ၅၁ ချပ်ထဲ ရှိကာ တစ်ချပ်လိုနေသည်။ ကျွန်တော်တို့အားလုံး စူးစူးဝါးဝါး စိုက်ကြည့်နေတာကြောင့် တုတ်ကြီး ပြာပြာသလဲငြင်းသည်။

“ ငါမယူထားဘူးနော်.. ငါမသိဘူး.”

“မင်း မယူလို့ ဘယ်သူယူမလဲကွ..”

“ အဲဒါကြောင့် မင်းဖဲကောင်းလှချည်လားလို့ ထင်နေတာ ”

“ဒါမျိုးတော့ မလုပ်သင့်ပါဘူးကွာ”
“ခိုးထားတဲ့ဖဲချပ်ထုတ်ပေး”

အချိန်ကျပြီဆိုတာကို နပ်သည့် ဟိုသုံးကောင် တုတ်ကြီးကို တစ်ယောက်တစ်ပေါက် ဝိုင်းပြောကြတော့သည်။

“ငါ မယူပါဘူးဆို ဘယ်လိုထုတ်ပေးရမှာလဲ”

ထိုအခါ ကျွန်တော်မှ

“အေး .. မင်းမယူထားတာ သေချာရင် အင်္ကျီ ချွတ်ပြ”

တုတ်ကြီးက သူ့အင်္ကျီကို ခပ်သွက်သွက်ချွတ်ပြသည်။ အိပ်ကပ်များထဲတွင်ပါ နှိုက်ပြသည်။ ဖဲချပ်က ထွက်မလာ။

“ မင်းပုဆိုးပါချွတ်”

တုတ်ကြီး ဝတ်ထားသော ပုဆိုးကို ကွင်းလုံးချွတ်ပြကာ လေထဲတွင် ခါရမ်းပြသည်။ ဖဲတစ်ချပ်က ရှောင်ပုန်းကောင်းနေဆဲ။ တုတ်ကြီးထံတွင်တော့ အောက်ခံဘောင်းဘီတိုလေးသာ ကျန်တော့သည်။

“ကဲ ယုံပြီလား.. ငါမခိုးပါဘူးဆို”

“မယုံသေးဘူး.. မင်း အဲဒီဘောင်းဘီပါချွတ်.. ”

“ အဲ.. အဲဒါ ချွတ်ရင် အကုန်ပြောင်ပြီပေါ့ကွ။ တကယ်မယူထားပါဘူးကွာ”

ဟိုကောင်သုံးကောင်ကတော့ ဝေခွဲမရသည့် အကြည့်ဖြင့် လှမ်းကြည့်နေကြ၏။

“မင်းမချွတ်ရင်တော့ မင်းခိုးတာပဲလို့ သတ်မှတ်ရမှာပေါ့.. အဲဒါဆို ငါတို့ပိုက်ဆံတွေ ပြန်ယူရလိမ့်မယ်”

သူနိုင်ထားသည့်ပိုက်ဆံတွေ ပြန်ပေးရမှာ စိုးရိမ်သည့်လောဘစိတ်ကြောင့် နောက်ဆုံးလက်ကျန် အောက်ခံ ဘောင်းဘီတိုလေးကို ဆွဲချွတ်လိုက်ရတော့သည်။ တုတ်ကြီး အောက်ခံဘောင်းဘီတိုလေး ဆွဲချွတ်နေချိန် လက်မအားသည်ကို အခွင့်ကောင်းယူပြီး ကျွန်တော်မှ ခင်းထားသောပုဆိုး၏ အနားလေးဘက်ကို စုကိုင်ကာ ထပြေးတော့သည်။ ထိုပုဆိုးထဲတွင် အားလုံး၏ ငွေများ ရှိနေသည်။

“ ဟေ့ကောင်တွေ ပြေးကြဟ..”

ပြောပြောဆိုဆိုဖြင့် ရှေ့ကဦးဆောင်ပြီး ထွက်ပြေးတာကြောင့် ဟိုသုံးကောင်မှာ ဖိနပ်များကို လက်က ဆွဲပြီး ကမန်းကတန်း ထပြေးကြတော့၏။ သူ့ပိုက်ဆံတွေ ပါသွားသဖြင့် တုတ်ကြီး အနောက်က အော်ဟစ်ကာ ပြေးလိုက်လာသည်။ အိမ်ဝရောက်ပြီးမှ သူကိုယ်တုံးလုံးကြီး ဖြစ်နေတာ သတိရတာကြောင့် အိမ်ထဲပြန်ဝင်ပြေးကာ အ၀တ်အစားဝတ်ပြီး ကျွန်တော်တို့နောက် လိုက်လာသေးသည်။ သို့သော် ထိုအချိန်တွင် ကျွန်တော်တို့မှာ လမ်းထိပ်တွင် ကြိုတင်စောင့်ခိုင်းထားသော ကားဖြင့် တုတ်ကြီးလိုက်မမှီနိင်သည့်နေရာသို့ ရောက်ရှိ လွတ်မြောက်သွားပြီဖြစ်သည်။

~~~~~~~~~~~~~~~။

“ချီးယားစ်”

မီးပုံမှ ဖြာထွက်နေသော အလင်းရောင်အောက်တွင် ဘီယာဖန်ခွက်ခြင်း ထိခတ်သံချိုလွင်စွာ ထွက်ပေါ်လာသည်။ ကျွန်တော်တို့ ရောက်ရှိနေသည်က ကမ်းခြေတစ်ခုတွင်ဖြစ်၏။ ညနေကတည်းက ကြိုတင်စီစဉ်ထားသောကားဖြင့် ကမ်းခြေအထိရောက်အောင် မောင်းလာခဲ့ကြခြင်းဖြစ်သည်။ ကားပေါ်မှာထဲက စတင်ခဲ့သော အပျော်တို့သည် မီးပုံပွဲနှင့်ဘီယာဝိုင်းတွင် အမြင့်ဆုံးအဆင့်သို့ရောက်ရှိနေပြီ။

ငွေရလာသည်ထက် တုတ်ကြီးကို ပြန်လည် လှည့်စားနိင်ခဲ့တာကို အားလုံးပျော်ရွှင်ကြခြင်းဖြစ်သည်။ တုတ်ကြီးကျွန်တော်တို့ကို အကျော်အခွဇယားခင်းပြီး တစ်ပတ်ရိုက်သွားတုန်းက ကျွန်တော်တို့ အကြွေးပါတ်လည်ဝိုင်းကာ ဒုက္ခရောက်ခဲ့ဖူးသည်။ ခုတော့ဒီကောင်ခံရသည့်အလှည့် ပြန်ရောက်ခဲ့ပြီ။

နှုတ်ခမ်းတွင်ပေနေသော ဘီယာအမြုပ်များကို လျှာဖြင့်သပ်ရင်း မင်းသူမှ..

“ငါက ဖဲဝိုင်းမှာ မင်း ပညာစွမ်းတွေပြပြီး အနိင်ယူမယ်ထင်ထားတာကွ မင်းက ကလေးလို လုပြေးတာကိုး ဟားဟား”

ပြောပြီးရယ်တာကြောင့် ကျွန်တော်တို့ အားလုံး လိုက်ရယ်ကြသည်။

“ ငါက အဲဒါတွေမှ မလုပ်တတ်တာ ဒါကြောင့် ဒီကောင်လိုက်မလာနိင်အောင် ကိုယ်တုံးလုံးချွတ်ခိုင်းပြီးမှ ငွေလုပြေးရတာပေါ့ ဖဲရိုက်ရင်းနဲ့ နိင်ရင်တော့ မလုဘူးလို့ တွေးထားတာပဲ ဖဲကလည်း ညံ့ချက်ကွာ”

“အစီအစဉ်ကို ကြိုပြောထားရင် အဝတ်အစားအပိုလေးပါ ထည့်ခဲ့လို့ရမှာ”

“ ကြိုပြောထားရင် မင်းတို့မျက်နာပြုံးစိစိဖြစ်နေတာနဲ့ တုတ်ကြီးကနပ်သွားမှာ စိုးလို့ကွ”

“ လောဘဇောတက်ပြီး ကိုယ်တုံးလုံးချွတ်တာကို ငါတော့ ရယ်ချင်လိုက်တာ ဟား ဟား”

အပျော်များဖြင့် ထုံမွှန်းထားတာကြောင့် ရယ်သံများက လွယ်ကူစွာ ထွက်ပေါ်နေသည်။ ရဲကြီးမှ အရယ်ရပ်ကာ မေးခွန်းထုတ်သည်။

“ ငါသိချင်တာက ပျောက်သွားတဲ့ ဖဲတစ်ချပ်က ဘယ်ရောက်သွားတာလဲ ”

“ အေး... ဟုတ်တယ် ငါတို့လည်း အဲဒါသိချင်နေတာ ဖဲချပ်က ဘယ်မှာလဲ”

ခွက်ထဲမှ လက်ကျန်ဘီယာကို အပြတ်ရှင်းပြီး အဖြေပြန်ပေးလိုက်သည်။

“ ရှင်းရှင်းလေးပါကွာ.. ငါအပေါ့ထသွားရင်း အိမ်သာခွက်ထဲ ပစ်ချလိုက်တာ ”

“ ဟား ဟား ဟား ”

ကမ်းခြေတစ်လျှောက်တွင်တော့ လတ်ဆတ်ပေါ့ပါးသော ရယ်သံများ လွင့်ပျံသွားလေသည်။

။.........................................................................။
အကျော်အခွဇယား(၁)

Friday, December 31, 2010

သူခိုးနဲ့လူလိမ်

ဒီနေ့တော့ နေ့တွက်စီပြီထင်သည်။ သူ့အတွက် ဒီလိုနေ့မျိုးသည် ရှားရှားပါးပါး ကြုံရခဲသော အခွင့်အရေးဖြစ်သည်။ မနက်ထဲက ချောက်တီးချောက်ချက် ခရီးတိုလေးများကို ပို့ပေးနေရသောသူ့အတွက် နေ့လည် ၂ နာရီ ခန့်တွင်တော့ အော်ဒါ ကောင်းကောင်းရခဲ့သည်။ သူ့ကားငှားစီးသူသည် လယ်သာဂျာကင်ကို ဝတ်ထားပြီး ရွှေကိုင်းမျက်မှန်တပ်ထားသော အသက် ၅၀ ခန့် ရှိသော လူရည်သန့်တစ်ဦးဖြစ်သည်။

ထို့ထက် ကျေနပ်ဖွယ်ရာ ကောင်းသည်မှာ ရန်ကုန်မြို့ထဲမှ မှော်ဘီအထိ သွားမည့်ခရီးအတွက် တန်ရာတန်ကြေးထက် ပိုပြီး သူတောင်းလိုက်သော ဈေးကို တချက်မျှမဆစ်ဘဲ ထိုသူငှားစီးခဲ့သည်။ ထို့ပြင် အပြန်ခရီးအတွက်ပါ ပြန်တင်ဆောင်လာရမည် ဖြစ်သဖြင့် အသွားအပြန် အတွက် သူမြိုးမြိုးမြက်မြက် ရမည့်ခရီးဖြစ်သည်။ တောင်းသည့်ဈေးကို မဆစ်သော ထိုသူသည် သူ့အတွက် ငွေပုံကြီး ဖြစ်ကြောင်း မကြာခင် သိလာရခြင်းဖြစ်၏။

ကားမောင်းလာရင်း အပြန်အလှန် ပြောစကားများအရ သူသိလာသည်မှာ ထိုသူသည် နယ်မှဆင်းလာသူ ဖြစ်သည်။ ရန်ကုန်ရှိ ဆွေမျိုးများထံလာရင်း အပြန်တွင် အိမ်စီးကားတစ်စီးဝယ်ရန်အတွက် ယခု သွားကြည့်ခြင်းဖြစ်ကြောင်း ပြောပြသည်။ သူတို့မြို့တွင်လည်း လက်ညိုးထိုးမလွဲအောင် စိုက်ပျိုးရေးခြံနှင့် မွေးမြူရေးခြံများ ပိုင်ဆိုင်ကြောင်း သိခဲ့ရသည်။ ရယ်ရွှန်းပတ်စ စကားများပြောရင်း သူနှင့်ထိုသူ ပို၍ရင်းနှီးသွားသည်။

“ကြုံရင်ဝင်ခဲ့ပေါ့ကွာ ဦးတင့်ဝေလို့သာ မေးလိုက် မသိသူမရှိဘူး”
“ ဟုတ်ကဲ့ခင်ဗျ တနေ့နေ့တော့ ကြုံလာမှာပါ ”

“ ဒီလိုလုပ်လည်း ရတာပဲ မောင်ရင်ရ ဦးအခုဝယ်ဖြစ်တဲ့ကားကို မောင်ရင်ပဲ မောင်းပြီး ဦးတို့မြို့ကို လိုက်ပို့မလား ”
“ အဲ..”
“ အော်..ဦးသဘောပေါက်ပြီး မောင်ရင် မနစ်နာစေရဘူးလေ မောင်ရင်ရဲ့ တစ်နေ့စာ ဝင်ငွေအတိုင်း ပေးမှာပေါ့ ပြီးတော့ စားစရိတ်အတွက် ဦးပဲ တာဝန်ယူမယ် ”
“ ကျနော် စဉ်းစားပါရစေအုံးနော် ”
“ အေး..အေး ဦးက မောင်ရင့်ကို မြင်မြင်ချင်းခင်မင်မိလို့ ကားမောင်းပို့ပေးဖို့ခေါ်တာပါ ”
“ဟုတ်ကဲ့...ဒါနဲ့ အခုဝယ်မယ့်ကားကို မြင်ပြီးသွားပြီလား ”
“ မမြင်ရသေးဘူး အဲဒါကြောင့် သွားကြည့်မှာ ကြိုက်ရင်တော့ တခါတည်း ငွေချေခဲ့လိုက်မှာပေါ့ ”

ထိုလူကြီး၏ ပေါင်ပေါ်တွင် တင်ထားသော သာရေအိတ်အနက်ကို သူမျက်လုံးထောင့်ကပ် ကြည့်လိုက် မိသည်။ ထို့ပြင် သူနှင့် ထိုသူရဲ့ ကြားတွင်လည်း မြန်မာပြည်ရဲ့ နာမည်ကြီး ဘဏ်နာမည် ရေးထားသော ပလပ်စတစ်အိတ် တစ်လုံး ချထားသေးသည်။ အထူစားအိတ်ဖြစ်သည့်အပြင် ထပ်ပိုင်းကိုစုချည်ထားသဖြင့် အထဲကိုတော့ မမြင်ရပေ။ သို့သော် လောလောလတ်လတ် ဘဏ်မှ ထုတ်လာသော ငွေများဖြစ်မည် ဆိုတာတော့ သေချာသလောက် ရှိသည်။ သူ စိတ်ထဲတွင် အမျိုးအမည် မဖော်ပြနိင်သော ခံစားချက် တစ်ခု ဖြစ်သွားမိသည်။

ဒီလောက်များသော ငွေများကို သူတခါမှ မပိုင်ဆိုင်သေးဖူးပါ။ ယခုမောင်းနေသော ကား ကလည်း ယခင်မောင်းနေသူ နေမကောင်းသဖြင့် အုံနာကြေး တစ်နေ့ တစ်သောင်းခွဲဖြင့် ယာယီ ယူမောင်းရခြင်း ဖြစ်သည်။ အုံနာကြေးနှင့် ဆီဖိုး ဖယ်ပြီးလျင် သူတစ်နေ့တာ ခါးချိအောင် မောင်းရသော ဝင်ငွေမှာ များများစားစား မကျန်တော့ပေ။ သို့သော်လည်း ဒီဝင်ငွေလေးရဖို့ပင် သူအတွက် အမြဲမသေချာ။ ယခင်မောင်းသူ ကျန်းမာရေး ပြန်ကောင်းလာလျင် သူတစ်ခြား ကား မောင်းဖို့ ရှာဖွေရအုံးမည်။ ဒါမှမဟုတ်ရင်တော့ တခြားအလုပ်တစ်ခုခုကို ရှာဖွေရမည်။

သူ့မျက်လုံးများက ဘေးက အိတ်ကို မသိမသာ ကြည့်လိုက်မိပြန်သည်။ ထိုလူကြီးကတော့ အပြင်ဘက်ကို ငေးနေ၏။ ဒီအိတ်၂ လုံးထဲက ငွေတွေဆိုလျင် တော်တော်များမည်။ ကားတစ်စီးလုံးတောင် ဝယ်ဖို့ဆိုမှတော့ သိန်းရာဂဏန်း ရှိမှာ သေချာသည်။ သိန်း နှစ်ရာ ဖြစ်မလား။ ထို့ထက် ပိုနိင်မည် ထင်သည်။ ကိန်းဂဏန်းများကို တွက်ရင်း သူ့ရင်ထဲတွင် မောလာသည်။ ဒီငွေတွေကို သူသာပိုင်ဆိုင်လိုက်ရရင် သူ့ဘဝ တော်တော်လေး အဆင်ပြေသွားနိင်မည်။ ဟုတ်တယ် ပိုင်ဆိုင်ရလျင် သိပ်ကောင်းမှာပါပဲ။

လောဘစိတ်ကြောင့် သူ့စိတ်တွေ ဂဏာမငြိမ်ဖြစ်လာသည်။ ရုပ်ရှင်တွေထဲကလို လူအသွားအလာ ရှင်းသည့်လမ်းကို ရွေးမောင်းရင် ကောင်းမလား တွေးလိုက် မိတော့ ရင်ထဲတွင် ကတုန်ကယင် ဖြစ်လာသည်။ လူတစ်ယောက်ကို မေ့မျောသွားအောင် ဒါမှမဟုတ် ဝိညာဉ်နှင့် ကင်းကွာသွားအောင် လုပ်နိင်သော ပစ္စည်းများ သူ့နံဘေးတွေ အဆင်သင့်ရှိနေသည်။ ၈ လက်မရှည်သော ဝက်အူလှည့် တစ်ချောင်းကို သူကောင်းကောင်း အသုံးချနိင်သည်။ ထိုသူ ဟိုဘက်ငေးနေတုန်း လည်ပင်းကိုဖြစ်ဖြစ်...။

သူ့မျက်လုံးကို တစ်ချက် စုံမှိတ်လိုက်သည်။ လေအေးပေးစက် ဖွင့်ထားသော ကားထဲတွင် သူဇောချွေးများ ပျံလာသည်။ သူ့လက်ဖဝါးတွင်လည်း ချွေးစေးများ ထွက်လာသည်။ အိတ်ထဲမှ လက်ကိုင်ပုဝါကို စုကိုင်ကာ နားထင်ဘေးသို့ စီးကျနေသော ချွေးများကို သုတ်လိုက်၏။ စတီယာတိုင် ကို ပြန်ကိုင်တော့ ချွေးစေးများကြောင့် စေးကပ်ကပ် ဖြစ်နေသည်။

“ မောင်ရင့် အသိတွေထဲမှာရော စိတ်ချရတဲ့ ကားပွဲစား ရှိလား ”

လောဘဇော အတွေးများနောက်ကို လိုက်နေမိသဖြင့် ထိုသူ့ထံမှ ရုတ်တရက် အသံထွက်လာတော့ သူ တုန်သွားသည်။

“ ဗျာ.. ဟုတ်..ဟုတ်ကဲ့ ရှိပါတယ် ”
“အခုသွားကြည့်တဲ့ကားကို မကြိုက်ခဲ့ရင် တခြားတစ်စီးစီး ရှာဝယ်ရမှာပဲ အဲဒီလိုဆို မောင်ရင့်ကိုပဲ အားကိုးရမှာပဲ မောင်ရင်လည်း ပွဲခ ရမှာပေါ့”

“ဟုတ်ကဲ့ အသိတွေထဲမှာ ကားပွဲစားတွေ ရှိပါတယ် ဦးက ဘယ်လောက်လောက် မှန်းထားလို့လဲ”

“ ၃ / ၄ ရာလောက်ပေါ့ သိပ်ကြိုက်ရင်တော့ ၅ ရာလောက် အထိ မှန်းထားပါတယ် ”

“အခုသွားကြည့်မယ့် ကားကရော”

“ဒါက ဦးမိတ်ဆွေ ကားဆိုတော့ ဈေး မှန်မယ်ထင်ပါတယ် သူကတော့ ၃၂၀ ခေါ်ထားတာပဲ ကြည့်ပြီးကြိုက်မှ ၃၀၀ လောက်ရအောင် ညှိရမှာပဲ”

ထိုလူ၏ အဖြေစကားကြောင့် သူ့ရင်ထဲတွင် မောဟိုက်သွားသည်။ ဒါဆို ဒီ အိတ် ၂လုံးထဲမှာ သိန်း ၃၀၀ ကျော် ပါတာပေါ့။ သူ နေ့စဉ်ဝင်နေသော ဝင်ငွေ ငါးထောင်ခန့်ကို မသုံးမစွဲဘဲ စုဆောင်းထားရမည် ဆိုလျင်ပင် ထိုသိန်းသုံးရာကျော် ရဖို့ အနှစ် နှစ်ဆယ်ခန့် စောင့်ရမည်။ အနှစ် နှစ်ဆယ်လုံးလုံး တပြားတချပ်မျှ သုံးစွဲ၍ မရသည့်အပြင် နေ့စဉ် မပြတ်ဝင်ငွေလည်း ရှိနေရအုံးမည်။သို့သော် သူသည် ယာယီ အလုပ်အနေဖြင့် ကားမောင်း သူသာဖြစ်သည်။ တနေကုန် ဖင်ပူအောင် ထိုင်မောင်းရသော ဒီအလုပ်ကို သူနှစ်သက်လွန်း၍ လုပ်ခြင်းမဟုတ်ပေ။ သူဖြစ်ချင်တာက တချက်ကောင်းကြံပြီး ချမ်းသာချင်သည်။ အကွက်ကောင်းကောင်းကို သူအမြဲလိုက်ရှာ စောင့်ကြည့်ခဲ့သည်။ ယခုတော့ အခွင့်ကောင်း ကြုံလေပြီ။

ဘေးတွင်ချထားသော ကြွပ်ကြွပ်အိတ်ကို ဂီယာချိန်းရင်း လက်က ထိမိသွားသည်။ ဂီယာတံကို ဆုပ်ကိုင်ရင်း အိတ်ကို လက်ဖြင့် မခွာဘဲ ဆက်ပြီးထိထားလိုက်၏။ ဖော်ပြခြင်းငှာ မစွမ်းသာသော ငွေ ရနံ့များသည် သူ့လက်ချောင်း သွေးကြောများမှ တဆင့် နှလုံးသားထဲသို့ ဝင်ရောက်သွားသည်။ ထို့နောက် ခန္ဓာအနှံ့သွေးကြော များသို့ ပြန်လည် ဖြာထွက် စီးဆင်းသွားတော့သည်။ ထိုသွေးများမှ တောင်းဆိုမှုသည် ကြောက်မက်ဖွယ်ရာ ဖြစ်သည်။ များပြားလှသော ငွေပမာဏတွေထိုအိတ်ထဲတွင် ရှိနေသည်။ သိန်း ၃၀၀ထက်ပိုများတာလည်း ဖြစ်နိင်သည်။ သူတစ်ခုခု လုပ်ရမည်။ အသေလား အရှင်လား ရွေးချယ်ရမည်။ ဘယ်လိုလုပ်မလဲ စဉ်းစားစမ်း။

ယခုရောက်နေသည့်နေရာကို ကြည့်မိတော့ ထောက်ကြန့်လမ်းဆုံ ကိုရောက်တော့မည်။ လူများစည်ကား နေသဖြင့် သူစိတ်ကို ခဏလျှော့ချကာ အစီအစဉ်ကို အကွက်ချနေလိုက်သည်။ ထောက်ကြန့်အလွန် ရောက်မှ လုပ်ဖို့ သူတွေးလိုက်သည်။ ဆုံးဖြတ်ပြီးသွားသဖြင့် သူ့လက်ဖဝါးတွင် ချွေးစေးများ ပိုထွက်လာသည်။ ဘေးကို အသာ စောင်းငဲ့ကြည့်တော့ ထိုသူက အပြင်ဘက်ကို ငေးမောနေ၏။

လမ်းမတွင် လူများ ဆိုင်ကယ်နှင့် ဆိုက်ကားများ ရှုပ်ထွေးနေသဖြင့် သူ ဂရုတစိုက် မောင်းနှင်နေသည်။ ယောက်ယက်ခတ်နေသော စိတ်ကြောင့် သူ တည်ငြိမ်ရန် အားထုတ်ကြိုးပမ်းနေရ၏။ သူအကြောက်ဆုံးမှာ ဦးတင့်ဝေဆိုသူက သူ့ကို အကဲခတ်မိသွားမှာ သိပ်ကြောက်နေသည်။ တုန်ယင်နေသော လက်များ ငြိမ်ငြိမ်သက်သွားရန် စတီယာတိုင်ကို တင်းတင်းဆုပ်ကိုင်ထားရသည်။ သူ့နားထင်မှ စီးကျနေသော ချွေးစေးများကို မသိမသာ သုတ်ရင်း ထိုသူ့ကို ကြည့်လိုက်သည်။ ဘေးဘက်သို့ ငေးမောနေဆဲ။ သူ့အဖြစ်ကို သတိထားမိဟန်မတူ။ ထိုသို့ဖြင့် ထောက်ကြန့် ဈေးအနားကို ရောက်လာသည်။

“ အတော်ပဲ မောင်ရင် ဦးကို ဈေးဝမှာ ခဏရပ်ပေး.. ဦးမိတ်ဆွေ အိမ်အတွက် လက်ဆောင် မုန့်လေးဘာလေး ဝယ်သွားမလို့ ”

သူလမ်းဘေးချရပ်ပေးလိုက်သည်။
“ မကြာဘူးမောင်ရင် ခဏလေး စောင့်ပေးနော်.. ဒါမှမဟုတ် လ္ဘက်ရည် ဆင်းသောက်အုံးမလား”
“ ရတယ် ဦးလေး မသောက်တော့ဘူး ကျနော် စောင့်နေပါ့မယ် ”

ထိုသူထွက်သွားသဖြင့် သူစိတ်သက်သာရာ ရသွားသည်။ သူ ခဏလောက် စိတ်တည်ငြိမ်မှု ရချင်သည်။ မကြာခင် သူဖန်တီးရတော့မည့် အလုပ်အတွက် စိတ်အေးအေးဖြင့် အကွက်ချချိန်ရပြီ။ နောက်မဆုတ် တော့ဟု ဆုံးဖြတ်ထားပြီးသဖြင့် သူ့အတွက် အလုံခြုံဆုံးနှင့် အသေချာဆုံး နည်းလမ်းကို ရွေးချယ်ရမည်။ မေ့မျောရုံ လုပ်ခဲ့ရင် နောက်ပိုင်း ပြဿနာတွေ ဆက်ဖြစ်မလား။ အပျောက်ရှင်းလိုက်လို့ သူ မလွတ်မြောက်နိင်ခဲ့ရင် ရင်ဆိုင်ရမှာက ပိုအပြစ်ကြီးနိင်သည်။ မေ့မျောရုံ ရိုက်ပြီး သူထွက်ပြေးရင်ရော လွတ်မြောက်နိင်မလား။ ကြုံလာနိင်သည့် အနေအထားကို သေသေချာချာ ချင့်ချိန်နေမိသည်။

သူကားကို ရှေ့နဲနဲ မောင်းဖို့ တွေးလိုက်၏။ ထိုသူ ဒီကားပေါ်က ဆင်းသွားသည်ကို ဘေးပါတ်ဝန်းကျင်မှ သတိမထားမိခဲ့လျင်တောင် ပြန်တက်လာသည့်အခါ သတိထားမိမှာကို သူမလိုချင်။ ထိုသူ့ကို တစ်နေရာရာမှာ ပြန်ရှာတွေ့ကြချိန် သူ့ကားပေါ်တက်သွားသည်ဟု အစစ်ခံမည့်သူ မပေါ်ဖို့ အရေးကြီးသည်။

ဈေးထောင့်အထိ သူမောင်းသွားရင် ကောင်းမည်။ စက်နိုးပြီးမှ သူ့ရဲ့ ယုတ္တိမရှိသော အတွေးကို သတိထားမိသွားသည်။ သူဘယ်နေရာတွင် ရပ်နေနေ ထိုသူတက်လာသည်ကို မြင်သည့်လူက မြင်မှာပဲ မဟုတ်လား။ သို့သော် ထောက်ကြန့်လမ်းဆုံ ဖြစ်တာကြောင့် လူများ ကိုယ့်အာရုံနှင့်ကိုယ် ရှုပ်နေကြသည်။ သတိထားမိဖို့တော့ မလွယ်။

စိတ်အေးအေးဖြစ်အောင် သက်ပြင်းချကာ အသက်ပြင်းပြင်းရှူသွင်းလိုက်သည်။ အစအနမထွက်အောင် သေသေသပ်သပ် ပိပိရိရိ ဖြစ်အောင် သေသေချာချာ တွေးရမည်။ ဂီယာတံကို ဖွဖွပုတ်ရင်း သူအကွက်ချ စဉ်းစားနေသည်။ ထိုအချိန်မှာပဲ လက်က အမှတ်မထင် ဘေးတွင် ချထားသော ကြွပ်ကြွပ်အိတ်ကို ထိမိသွားသည်။ သူငုံ့ကြည့်လိုက်ပြီး အံ့သြသွားသည်။ သူ့ဘေးတွင် ထိုသူရဲ့ ငွေ အိတ်တစ်အိတ် ကျန်ခဲ့သည်။ သူ့ကိုယုံကြည်လို့ ထားခဲ့တာလား မေ့ကျန်ခဲ့တာလား သူမစဉ်းစားနိင်တော့။ ငွေ နှစ်အိတ်ပေါင်း သိန်း ၃၀၀ ကျော်ဆိုလျင် ဒီတအိတ်ထဲတွင် အနည်းဆုံး သိန်း ၁၀၀ တော့ ပြေးမလွတ်။ သူ ရင်ထဲတွင် လှိုက်ခနဲလှိုက်ခနဲ ရင်ဖိုနေမိသည်။

သူကားကို အမြန်ဆုံး မောင်းထွက်လိုက်သည်။ လူတစ်ယောက်ကို မဖျောက်ဖျက်ရဘဲ သိန်း ၁၀၀ ရလျင်ရော နည်းလား။ ပြန်မိသွားလို့ အမှုဖြစ်ရင်တောင် အပြစ်အများကြီး မရနိင်။ ထိုသူကို နတ်စောင့်သည်ပဲ ပြောရမည်။ ဈေးထဲသို့သာ မဝင်ခဲ့လျင် သူရော ထိုသူပါ အနာဂတ် ကောင်းနိင်မည်မဟုတ်။ သူ ကားကို ရန်ကုန်ဘက်ကို ပြန်ဦးတည်ကာ မောင်းထွက်ခဲ့တော့သည်။ ဈေးအရှေ့ကိုဖြတ်ရင်း ကြည့်လိုက်မိသည်။ ထိုသူပြန်မထွက်လာသေး။

ဒီကားကို အုံနာထံ သွားပြန်အပ်ရမည်။ ပြီးလျင်တော့ သူ ငွေထုပ်ပိုက်ပြီး ခြေရာဖျောက်ရတော့မည်။ ကားပြန်အပ်ရင်းနှင့် အုံနာကို အပ်ထားရသော မှတ်ပုံတင် ပြန်တောင်းဖို့ သူသတိမေ့၍ မဖြစ်။ အဲဒါ သတိထားရမည်။ သူ့နောက်ကို လိုက်လာသည့် ကားများ ရှိနိင်မလားဟု နောက်ကြည့်မှန်မှ တဆင့် မကြာမကြာ ကြည့်နေရသည်။ ခပ်ပြင်းပြင်း မောင်းလာသည့် ကားများတော့ မတွေ့ရသေး။ သို့သော် သတိထားရမည်။

လမ်းရှင်းသော နေရာရောက်တော့ သူ အရှိန်မြှင့် လိုက်သည်။ အချိန်ကြာလို့ မဖြစ်။ သူစီစဉ်ရမှာ အများကြီး ကျန်နေသေးသည်။ သူ့လက်ကို ငွေအိတ်ပေါ် တင်ထားလိုက်၏။ ဒီတခါတော့ ပီတိ များက သွေးကြောအနှံ့ ပျံ့နှံ့ သွားသည်။ ဘဝတွင် တခါမှ မကိုင်တွယ်ဖူးသော ငွေကို သူပိုင်ဆိုင်ရပြီ။ ထောင်ကျနိင်သည်ကိုပင် သူ သတိမရတော့။ ဒီငွေတွေနှင့် သူ ဘာလုပ်ရမလဲ။ အရာရာကို မလောဖို့ အကွက်ချ စီစဉ်ဖို့ သူ့ကိုယ်သူ သတိပေး နေလိုက်သည်။

ပျော်ရွှင်ဖွယ်ရာ အတွေးများနှင့် အမြန်မောင်းလာရင်း မင်္ဂလာဒုံကို ကျော်လာပြီးနောက် မြို့ထဲဝင်ချိန်တွင် သူ့အတွက် ကံဆိုးမိုးမှောင် ကျမည့် အဖြစ်သည် ရှေ့တွင်စောင့်ကြိုနေတော့သည်။ ရှေ့ကမြင်ကွင်းကို မြင်မိချိန်တွင် သူ့ရင်ဝသို့ တစ်စုံတစ်ခု လာဆောင့်သလို ဒိုင်းခနဲ ဖြစ်သွားသည်။ ကြောက်လန့်မှုကြောင့် အာခေါင်ထဲတွင် ခြောက်ကပ် သွားသလို ဖြစ်သွားကာ သူ့ခေါင်းတွေ ထူပူသွားရတော့သည်။

“ဟာာာ သွားပြီ ”

ရန်ကုန်ဘက်သို့ ဝင်လာသမျှ ကားများကို တားပြီးစစ်နေသော ရဲများကို မြင်လိုက်ရသည်။ ရဲများနှင့်အတူ အရပ်ဝတ် လူကြီးတစ်ချို့ကိုပါ တွေ့လိုက်ရချိန်တွင် သူ့ အမှားကို သူသိသွားခဲ့ရသည်။ သူ ရန်ကုန်ဘက်ကို ပြန်မောင်းလာသည်ကိုက အကြီးဆုံးအမှား ကျူးလွန်လိုက်ခြင်းပဲ မဟုတ်လား။ ဦးတင့်ဝေအနေနဲ့ ရဲစခန်းကို ဖုန်းဆက်ထားနိင်သည်ကို တွေးထားပေမယ့် သူရန်ကုန်ရောက်ချင်ဇော များနေခဲ့သည်။ သူလွတ်မြောက် နိင်မည်ဟု ယုံကြည်ပြီး အမြန်ပြန်လာခဲ့ခြင်းဖြစ်သည်။ ခုတော့ သူ့ထက် မိုက်မဲတဲ့သူ ရှိနိင်မည် မဟုတ်တော့။
ရလာသော ငွေထုပ်ကို အရသာ ခံခွင့်မရသေးခင်မှာပဲ သူ ထောင်ကျရတော့မည်။ ဘာလုပ်ရမလဲ အထပ်ထပ်တွေးနေသော်လည်း ထူပူနေသော ဦးခေါင်းထဲမှ မည်သည့်အကြံဥာဏ်များ ထွက်မလာတော့။ ကားပြန်လှည့်ကာ မောင်းပြေးဖို့ တွေးလိုက်သော်လည်း အဆင်သင့်ရပ်ထားသော ရဲကားများကို တွေ့သဖြင့် ထွက်ပြေးဖို့ရာ မဖြစ်နိင်မှန်း သိနေသည်။

ရုတ်တရက် အရှိန်လျှော့လိုက်တာကြောင့် ထင်သည် ရဲတချို့ သူ့ကားကို လှမ်းကြည့်နေကြ၏။ ရှောင်ပြေး လွတ်မြောက်ဖို့ မဖြစ်နိင်တော့။ သူ့ရင်တစ်ခုလုံး တစ်ဒိုင်းဒိုင်း ခုန်ကာ သူ့ရဲ့လက်တွေ တစ်ဆတ်ဆတ်တုန် ယင်နေ၏။ စီးဆင်းနေသော သွေးများအားလုံး သူ့နားထင်သို့ လာဆောင့်နေပြီ ထင်ရသည်။ သွားပြီ။ သူထောင်ကျရတော့မည်။ စည်းစိမ်ရှိရှိနေချင်သော သူ့စိတ်ကူးများ အားလုံး ပျက်ဆီးသွားရပြီ။ သူ့ကားကို ရဲများနှင့် အရပ်ဝတ်လူကြီးတစ်ချို့ လက်ပြကာ တားနေကြသည်။ အရှိန်အနည်းငယ် လျော့ချလိုက်သည်။ မောင်းပြေးမလား တွေးနေချိန်မှာပဲ ရဲသား နှစ်ယောက် လမ်းမပေါ် ပိတ်ရပ်လိုက်ကြသည်။ သူကားကို ရပ်ပေးလိုက်ရသည်။

ဘေးဘက်မှန်ကို ချပေးလိုက်သည်။ ပုခုံးတွင် အပွင့်တပ်ထားသော ရဲအရာရှိ ဘေးတံခါးကို လက်ထောက်ကာ ကားထဲကို ငုံ့ပြီး သူ့ကိုကြည့်၏။ သူ့လက်တုန်ယင်နေသည်ကို သတိမပြုနိင်အောင် စတီယာတိုင်ကို တင်းတင်းကျပ်ကျပ် ဆုပ်ကိုင်ထားသည်။ ရဲ အရာရှိမှ ကားထဲကို ဝေ့ကြည့်နေသည်။

“နောက်ဖုံးဖွင့်ပေးပါ”

ကားထဲမှ သူနောက်ဖုံးဖွင့်ပေးလိုက်သည်။ ရဲတစ်ချို့နှင့် အရပ်ဝတ်လူကြီးများ နောက်ဖုံးကိုဖွင့်ရှာ ကြသည်။ ထိုနောက်ဖုံးထဲတွင် ကားဘီးအပိုနှင့် တိုလီမိုလီ ပစ္စည်းများသာ ရှိသည်။

“ မတွေ့ဘူးဆရာ”
“ အေး...အေး ”
ရဲသား၏ သတင်းပို့ချက်ကို အရာရှိဖြစ်သူမှ အတည်ပြုပြီးနောက် သူ့ကားထဲကို နောက်တကြိမ် ထပ်ပြီး ဝေ့ကြည့်သည်။ ထို့နောက် သူ့ဘေးက အိတ်ကို တစ်ချက် စိုက်ကြည့်လိုက်သည်။ သူ ထိန်းချုပ်ထား၍ မရနိင်တော့ အံကိုတင်းတင်းကြိတ်ကာ မျက်လုံးကို မှိတ်ပစ်လိုက်၏။ တစ်ဒိုင်းဒိုင်း ဆောင့်ခုန်နေသော ရင်ခုန်သံကိုပင် သူပြန်ကြားနေရပြီ။ ခြေဖျားလက်ဖျား များ အေးစက်နေသည်ကိုပင် မသိနိင်တော့။

“ဒါ ဘာအထုပ်လဲ”
ထိုမေးခွန်းသည် သူအကြောက်ဆုံး မေးခွန်းဖြစ်သလို သူ့နားထဲတွင် ဗုံးခွဲလိုက်သလို ဖြစ်သွားစေသည်။

“ဟို...ဟို ငွေ.. ငွေတွေပါ ဆရာ”

သူ့အသံ တုန်ယင်နေတာကြောင့်ထင်သည်။ ရဲအရာရှိ သူ့ကို လှမ်းကြည့်သည်။

“ ငွေတွေ... ဟုတ်လား”
“ ဟုတ်..ဟုတ် ပါတယ် ဆ..ဆရာ”
“ ဖွင့်လိုက် ”
“ ဗျာ ”
“ အထုပ်ကို ဖွင့်လို့ ပြောနေတာ”
“ ဟုတ်..ဟုတ်ကဲ့ ”

အထုပ်ကို ဖြေဖို့ရန် အိတ်ကို လှမ်းကိုင်လိုက်သည်။ တဆတ်ဆတ် တုန်ယင်နေသော လက်ဖြင့် ထိမိသဖြင့် ကျွတ်ကျွတ်အိတ်သံ တဗြန်းဗြန်း ထွက်လာသောကြောင့် ရဲအရာရှိ သူ့ကို စူးစိုက်ကြည့်နေသည်။ လက်များတုန်ယင်နေသဖြင့် ကျွတ်ကျွတ်အိတ်၏ ထိပ်နှစ်ဘက်ကို စုချည်ထားသော အထုံးကို သူမည်သို့မှ ဖြည်၍မရပေ။

“ ဘာဖြစ်လို့ ဒီလောက် စိတ်လှုပ်ရှားနေတာလဲ ”
“ မ..မဟုတ်ပါဘူး.. ဆရာ ”
“ကဲ တစ်ယောက်လာပြီး ဒီအထုပ်ကို ဖွင့်စမ်းဟေ့”

အနားတွင် ဝိုင်းနေသော ရဲများထဲမှ တစ်ယောက် ကားတံခါးဖွင့်ကာ အထုပ်ကို ဆွဲယူလိုက်သည်။

“လေးလှချည်လား.. ဘာတွေပါလိမ့်”

ရဲသားရဲ့ ပြောစကား ကြားလိုက်သဖြင့် သူစိတ်ဓါတ်ကျသွားသည်။ လေးမှာပေါ့ အဲဒါ ငါမပိုင်လိုက်ရတဲ့ ငွေတွေ လို့ စိတ်ထဲက ပြန်ပြောလိုက်သည်။ ရဲသား အထုပ်ဖြည်နေချိန်မှာပဲ သူ တစ်ခု တွေးလိုက်မိသည်။ ဦးတင့်ဝေ ဖုန်းဆက်ထားတာ ဆိုလျင် ဒီလို မေးမြန်းနေမည် မထင်။ အခုက တိုက်တိုက်ဆိုင်ဆိုင် စစ်ဆေးရေးနှင့် တိုးခြင်းဖြစ်မည်။ ထိုအတွေးကြောင့် သူ စိတ်အနည်းငယ် အေးသွားသည်။ နဂိုရှိပြီးသား ဥာဏ်နီဥာဏ်နက်ကို အပြင်းအထန် အလုပ်ပေးလိုက်သည်။ ကားရောင်းလာတဲ့ငွေလို့ ပြောရမည်။ သို့သော် ဘယ်လောက်လဲ မေးရင် သူဘယ်လိုဖြေမလဲ။ အထဲက ငွေကို သူအတိအကျ မသိပါ။ ငွေအရေအတွက် ကိုသာ မေးခဲ့လျင်တော့ သူ့လုပ်ရပ် ပေါ်သွားနိင်သည်။

ထို့ကြောင့် သူကားပေါ်က ဆင်းကာ ရဲများရှိရာ တစ်ဘက်သို့ လျှောက်သွားလိုက်သည်။ အခြေအနေကြည့်ပြီး သူ လုပ်ဇာတ်ခင်းဖို့ အတွက် အာရုံကို စူးစိုက်ထားသည်။ သူရောက်သွားချိန်တွင် အထုပ်ကို ဖြည်ပြီး ဖြစ်နေပြီ။ အထုပ်ထဲကို ငုံ့ကြည့်လိုက်သည်။ အိတ်အတွင်းထဲတွင် ငွေထုပ်များကို သတင်းစာ စက္ကူဖြင့် ပါတ်ထားသည်။ စုစုပေါင်း လေးထုပ် ရှိနေသည်။ တစ်ထုပ်ထဲတွင် ငွေ ဘယ်လောက်တောင် ဖြစ်နိင်မလဲ။ သူစိတ်လှုပ်ရှားစွာဖြင့် ကြည့်နေမိသည်။ ရဲသားမှ အထုပ်တစ်ထုပ် ဆွဲထုတ်ကာ သတင်းစာ စက္ကူ အထပ်ထပ်ကို ဖြေလိုက်သည်။ ထို့နောက် ထွက်လာသည်မှာ အုတ်နီခဲပွ တစ်လုံးသာ ဖြစ်နေသည်။

“ဟာ..အုတ်ခဲကြီးပါလား ”
“ ဟေ့လူ ဘာတွေလဲ ”
“ ဟို.. ဟို.. ဆရာ ငွေ အဲ အုတ်ခဲပါ ဆရာ”

“ ကျန်တဲ့ အထုပ်တွေပါ ဖြည်လိုက် ”

သတင်းစာ စက္ကူပါတ်ထားသော ကျန်သည့် အထုပ်များကိုပါ ဆွဲထုတ်ကာ ဖြည်လိုက်သည်။ သူစိတ်ကူးယဉ်ထားသလို သိန်း တစ်ရာ တော့မဟုတ်။ ထွက်လာသည်မှာ အုတ်ခဲပွ ၃ လုံးသာ ဖြစ်သည်။
“ ခင်များ ပြောတော့ ငွေတွေဆို ”
“ ဟုတ်ပါတယ်.. အဲ.. မဟုတ်ပါဘူး ကျနော်က ဆရာတို့ကို စတာ အဲဒါ အုတ်ခဲတွေ”
သူ့မျက်နာကို ပြုံးဖြီးဖြီးထားကာ ပြောလိုက်သည်။ သို့သော် ရဲအရာရှိကတော့ ဒေါသထွက်နေဟန်ရှိသည်။

“ ဘာဗျ စတာ ဟုတ်လား။ ဒီမှာ တာဝန်အရ လုပ်နေရတာဗျ ဒါသက်သက် နှောင့်ယှက်တာပဲ ခင်ဗျားကို ဝတ္တရားနှောင့်ယှက်မှုနဲ့ အမှုဖွင့်ရမယ်”
“ မလုပ်ပါနဲ့ ဆရာရယ် ကျနော်က ပျော်တတ်လို့ စတာပါ ”
“ မရဘူး ခင်ဗျားကို ဝတ္တရား နှောင့်ယှက်မှုနဲ့ အမှုဖွင့်မယ် ခင်ဗျားလိုင်စင်ပေး”

ခုတော့ သူတကယ် ဂျောက်ကျလေပြီ။ သူ့ကို ဘတ်သွားသော ဟိုလူကို စိတ်ထဲမှ ကြိတ်၍ ကျိန်ဆဲလိုက်သည်။

“ မလုပ်ပါနဲ့ ဆရာရယ် ဒီနေ့က ကျနော့်မွေးနေမို့လို့ အပျော်အနေနဲ့ စတာပါ။ စိတ်မရှိပါနဲ့ဆရာ။ ဆရာတို့အဖွဲ့ကို လ္ဘက်ရည် တိုက်ပါတယ်ဗျာ ဒါလေးကို လက်ခံပေးပါ။ ကျနော့်မွေးနေ့မို့ တိုက်တာပါဆရာ”

မတတ်နိင်တော့။ သူ့အိတ်ထဲတွင် မနက်ပိုင်း မောင်း၍ရသမျှ ငွေကိုထုတ်ပေးကာ မွေးနေ့အတု ဖန်တီးလိုက်ရတော့သည်။ သူ့မွေးနေ့ကို ယုံကြည်သွား၍ ထင်သည်။ လ္ဘက်ရည်တိုက်ခြင်းကို အသိအမှတ် ပြုဟန်ဖြင့် သူပေးသော ငွေကိုဆွဲယူကာ ရဲသားတစ်ယောက်ကို ပေးလိုက်သည်။

“ဒါဆိုလည်း ကိုယ့်အုတ်ခဲတွေ ကိုယ်သယ်ပြီး လိုရာခရီးဆက်ပါတော့ မွေးနေ့ရှင်ရေ ကျုပ်တို့ အလုပ် ဆက်လုပ်ရအုံးမယ် ”
“ ဟုတ်ကဲ့ပါ ဆရာ”

အုတ်ခဲလေးလုံးကို ကားပေါ်တင်ကာ သူ ထိုနေရာမှ ထွက်လာခဲ့တော့သည်။ ခပ်ဝေးဝေး ရောက်သည့်အခါ လမ်းဘေးတစ်နေရာတွင် သူ ကားကို ရပ်လိုက်သည်။ အုတ်ခဲများကို ဒေါသတကြီးဖြင့် ဝေးနိင်သမျှ ဝေးဝေးရောက်ရန် အားကုန် လွှင့်ပစ်လိုက်သည်။ ခံပြင်းစိတ် အနည်းငယ်မျှပင် လျော့မသွား။ စိတ်ထဲတွင် ခံပြင်းလွန်းလှသည်။ သူ လှလှပပ အလိမ်ခံခဲ့ရသည်။ အကွက်ကျကျ အရူးလုပ်ခံခဲ့ရသည်။ တကယ်ဆို ကားသမားလောကတွင် ဒီလိုပုံပြင်မျိုးကို သူခဏခဏ ကြားခဲ့ဖူးသည်။

ပစ္စည်းတစ်ခုခုကို အရောင်ပြ ထားခဲ့ကာ ကားပေါ်မှ လစ်သွားသော ခရီးသည်များအကြောင်း သူကြားဖူးခဲ့သည်။ ခုတော့ သူကိုယ်တိုင် ကြုံရပြီ။ အမှောင်ဖုံးစေသော လောဘကြောင့် သူဘာကိုမှ မမြင်နိင်ခဲ့။ မချင့်ချိန်နိင်ခဲ့။ ခုတော့ သူ အကျော်အခွ အလုပ်ခံလိုက်ပြီ။ ထိုသူကတော့ အခုလောက်ဆို သူ့အိမ်တွင် ထိုင်ကာ သူ့ကို ရယ်နေမှာပဲ။ ကားခ ၃သောင်းလည်း ဆုံးပြီ။ အရင်ထဲက ထိုသူပေးဖို့ မရည်ရွယ်ထားသော ထို ငွေကို နှမျောလိုက်မိသဖြင့် ကိုယ့်ကိုကိုယ် ဆဲရေးလိုက်မိ၏။ ခံရခက်သော ဒေါသစိတ်ကြောင့် သူ့ကားကို ထိုနေရာမှ ခပ်ပြင်းပြင်း မောင်းထွက်ခဲ့သည်။

လမ်းမပေါ်တွေ သစ်ရွက်ခြောက်များ ထခုန်ကာ ကျန်ရစ်ခဲ့တော့သည်။

အသဲကွဲတိမ်တိုက်

အခန်း(၁)

သက်ပြင်းတစ်ချက်ကို ခပ်လေးလေးချလိုက်မိသည်။ သူတည်ငြိမ်နေအောင် ကြိုးစားသော်လည်း မရနိင်တော့။ အခန်းထဲက ဆိုဖာပေါ် မွန်းကျပ်စွာထိုင်ချလိုက်သည်။ အစွန့်ပစ်ခံထားရတာ ဘယ်နှစ်ရက်တောင် ရှိနေပြီလဲ။ ၅ ရက်လား။ တပါတ်လား သူသေသေချာချာ မသိတော့။ သူသိသည်မှာ ဟန်နီ့ကို သိပ်လွမ်းနေတာပဲ ဖြစ်သည်။ အချိန်တိုင်း တွေ့ဆုံခဲ့ရသောသူတို့နှစ်ယောက် မတွေ့ရသည်မှာ တော်တော် ကြာသွားပြီ။ ထိုရက်တွေ အတွင်းမှာ သူဘယ်ကိုမှ မထွက်ဖြစ်။ သူ့အခန်းထဲကနေ ဟန်နီ ရောက်လာချိန်ကို အရင်လိုပဲ စောင့်နေခဲ့သည်။

ညနေရုံးဆင်းချိန် ကျော်လွန်လာတိုင်း အိမ်တံခါးဖွင့်သံကို ပို၍ နားစိုက်ထောင်မိသည်။ သို့သော် တိတ်ဆိတ်အေးစက်နေသော သူ့အိမ်လေးကတော့ အရင်လိုငြိမ်သက် မှုန်မှိုင်းနေမြဲပါပဲ။ ဧည့်ခန်းကို ဖြတ်လျှောက်လာမည့်ခြေသံ၊ သူ့အခန်းတံခါးကို ညင်သာစွာ သော့ဖွင့်သံတွေကို သူ မကြားရ။ သူရရှိနေသည်က မွန်းကျပ်သော ရှင်သန်မှုနှင့် အခန်းထဲတွင် အချိန်ပြည့် ရှိနေသာ လွမ်းဆွတ်နာကျင်မှုသာ ဖြစ်သည်။ ထိုအငွေ့အသက်များဖြင့် ဘဝက ရုတ်တရက် အမှောင်ကျသွားသလို သူ့ရဲ့ပျော်ရွှင်ချိန်တွေ ပြတ်တောက်ရပ်တန့်သွားသည်။

မျှော်လင့်ခြင်းကို မျှားတဲ့ညနေ

အုံ့ဆိုင်းနေသော မိုးသားတိမ်လိပ်များကြောင့် မကြာခင် မိုးရွာနိင်သည်ဟု ခန့်မှန်းလိုက်မိသည်။ နေ့လည်ခင်း ကတည်းက တူးထားသော တီကောင်ဗူး ကို လွယ်အိတ်ထဲ ထည့်နေချိန် သားအငယ်တွေ့မြင်သွားသည်။

“ဖေဖေ သားလည်းလိုက်ခဲ့မယ်”
“မိုးရွာလိမ့်မယ်သားရဲ့ အိမ်မှာပဲ ဆော့ရင်း နေခဲ့နော်”
“သားလိုက်ချင်တယ်ဖေဖေ”

ငိုမဲ့မဲ့ မျက်နာဖြင့် ပြောလိုက်သော သားငယ်ရဲ့ ဟန်ပန်ကြောင့် သူဆက်ပြီး မတားမြစ်ချင်တော့ပေ။

“ကဲ ဒါဆိုလည်း လိုက်တော်မူပါဗျာ”

သားငယ်ရဲ့ အလိုပြည့်သွားသဖြင့် ပြုံးရွှင်သွားသော မျက်နာသည် သူအမြဲမြင်ချင်သော မြင်ကွင်းသာ ဖြစ်သည်။
သားသမီးများနှင့် ပါတ်သတ်လျင် အလွယ်တကူ အလိုလိုက်မိတတ်သည်မှာ သူ့ရဲ့ အားနည်းချက်လည်း ဖြစ်သည်။ ထို့ကြောင့်လည်း သားသမီးများသည် သူ့ကိုသာ တိုးတိုးတစ်မျိုး ကျယ်ကျယ်တစ်မျိုး ပူဆာလေ့ရှိသည်။ တစ်ခုခု ပူဆာတိုင်းလည်း မဖြည့်ဆည်းပေးနိင်မချင်း သူစိတ်ထဲမှာ မည်သို့ ဖြည့်ဆည်းပေးရမလဲဆိုပြီး အချိန်တိုင်း အမြဲတွေး နေတတ်ခဲ့သည်။

လိုအပ်သောပစ္စည်းများကို လွယ်အိတ်ထဲ ထည့်နေချိန် သားငယ်က သူကျန်ခဲ့မှာ စိုးရိမ်နေသည် ထင်၏ အနားကမခွာတော့ပေ။ သားငယ်အတွက် မိုးကာ တစ်ထည်ကိုပါ ထည့်လိုက်သည်။ ကွမ်းရွက်၊ ထုံးနှင့်ဗမာဆေး တို့ထည့်ထားသော အထုပ်ထည့်ပြီးချိန်တွင် လိုအပ်သော ပစ္စည်းများ စုံသွားလေပြီ။ ဂေါက်ထီးအနက်ရောင်ကို လက်တစ်ဖက်က ကိုင်ကာ သားငယ်ကို လက်တွဲရင်း အိမ်က ထွက်လာခဲ့သည်။

ကတ္တီရာ လမ်းမကြီးအတိုင်း လျှောက်လာရင်း ရပ်ကွက်အဆုံးတွင် လမ်းဘေးကို ဖဲ့ဆင်းလိုက်သည်။ သန်လျင်ဘီအိုစီ ရေနံချက်စက်ရုံရဲ့ ရေကန်ကြီးတွေစီသွားသော လမ်းသွယ်ဘက်ကို ချိုးဝင်ကာ တဲအိမ်တို့ရဲ့ အရှေ့မှ မြေလမ်းလေး အတိုင်း လျှောက်ဝင်လာခဲ့သည်။ ထိုလမ်းသွယ်ထဲတွင် မောင်ထွန်း၏ အိမ်ရှိသည်။ မောင်ထွန်းတို့ အိမ်ရှေ့အရောက်တွင် အသံပြုလိုက်သည်။

“မောင်ထွန်းရေ မောင်ထွန်း”

ခဏအကြာတွင် အိမ်အတွင်းပိုင်းမှ မောင်ထွန်းထွက်လာသည်။

“ဆရာပါလား ငါးသွားမျှား မလို့လား”
“အေးကွ ပျင်းတာနဲ့ ထွက်လာတာ”
“ထိုင်အုံးမလား ဆရာ”
“မထိုင်တော့ပါဘူး ငါးမျှားတံတွေ ဝင်ယူတာ”
“ဟုတ်ကဲ့ဆရာ ကျနော် သွားယူပေးမယ်”

မောင်ထွန်း အိမ်အတွင်းပိုင်း ပြန်ဝင်သွားပြီး ခဏအကြာတွင် တာလပါတ်စကို အိတ်ချုပ်ကာ ထည့်ထားသော ငါးမျှားတံများ ယူလာပေးသည်။ မောင်ထွန်းရဲ့ အိမ်သည် ကတ္တီရာလမ်းမ မှချိုးဝင်ကာစနေရာတွင် ရှိသည့်အပြင် ရေကန်တွေဆီ သွားသည့်လမ်းပေါ်တွင် ရှိသဖြင့် ငါးမျှားတံများကို မောင်းထွန်းရဲ့ အိမ်တွင်သာ အပ်ထားလေ့ ရှိ၏။ ထို့ကြောင့် ယခု ဝင်ယူခြင်းဖြစ်သည်။ မောင်ထွန်းမှ သားငယ်ရဲ့ ပါး ကို လိမ်ဆွဲရင်း

“ငါ့ကောင်ကြီးရော ငါးလိုက်မျှားတာလားကွ”
“ဟုတ်ဘူး သားက ဖေဖေ့ကို ငါးလိုက်သယ်ပေးတာ”

သားငယ်ရဲ့ အဖြေစကားကြောင့် ရယ်ကြရသည်။

“ဆရာ့သားကတော့ အားကိုးရပြီးပဲဗျ”

မောင်ထွန်းစကားကြောင့် သူပြုံးလိုက်မိသည်။

“ကဲ သွားပြီဟေ့ ညနေမှပဲ အပြန်ဝင်ထားတော့မယ်”
“ဟုတ်ကဲ့ဆရာ”

ငါးမျှားတံအိတ်ကို ပုခုံးပေါ်ထမ်းရင် ထွက်လာခဲ့သည်။ တကယ်တော့ မောင်ထွန်းကို ပြောခဲ့သလို အပျင်းပြေ ငါးမျှားထွက်လာခြင်းမဟုတ်။ ဒီရက်ပိုင်းတွင် ငွေဝင်နိင်မည့် အလုပ်တခုခု မလုပ်နိင်သည့်အတွက် ဟင်းစားရလို ရငြား ထွက်လာခြင်းဖြစ်သည်။ ငွေဝင်နိင်သည့် အလုပ်တခုခု ရှာမရချိန်တိုင်း အိမ်အတွက် တစ်ဖက်တလမ်းက အဆင်ပြေစေရန် ငါးလာမျှားလေ့ရှိ၏။ သူက မိသားစုကို ပုခုံးနဲ့ရော ခေါင်းနဲ့ပါ ဘဝတလျှောက်လုံး ထမ်းရွက်ပြီး ရှာဖွေ ကျွေးမွေးခဲ့သူ ဖြစ်သည်။

ကလေးတွေ ငယ်စဉ်တုန်းကတော့ သူအဆင်ပြေခဲ့ဖူးသည်။ သန်လျင်မြို့တွင် သူ့လ္ဘက်ရည်ဆိုင် အအောင်မြင်ဆုံး အရောင်းရဆုံး ဖြစ်ခဲ့သည်။ ထိုအချိန်ကတော့ တပည့်တပန်းများလည်း စည်စည်ကားကားပေါ့။ မောင်ထွန်းက သူ့ဆိုင်ရဲ့ နံပြားဖုတ်သမား ဖြစ်ခဲ့သည်။ သို့သော် အကြောင်းကြောင်းတွေ တိုက်ဆိုင်ပြီး သူ့ဆိုင် ယိုင်သထက် ယိုင်လာသည်။ ရောင်းအားကျလာချိန်မှာ လူတစ်အုပ်တစ်မကြီးရဲ့ စားစရိတ်က သိသိသာသာ ဖိစီးလာ သော်လည်း သူအပြုံးမပျက်အောင် ဟန်ဆောင်ထားခဲ့သည်။ သို့နှင့် တစ်ရွေ့ရွေ့ ရောင်းအားကျလာပြီး နောက်ဆုံး သူဆိုင်ပိတ်လိုက်ရတော့သည်။

သို့သော် သူမမှုခဲ့။ ကြုံရာအလုပ်ကို ရှာဖွေ လုပ်ကိုင်ကာ ဇနီးနှင့် သားသမီးများကို ဝမ်းဝစေခဲ့သည်။ ငယ်စဉ်ထဲက အဖေမဲ့သူ ဖြစ်ခဲ့ရတာ ကြောင့် သူ့သားသမီးများအလှည့်မှာ ဘာမဆို အလိုလိုက်ချင်စိတ် အမြဲ ရှိနေခဲ့သည်။ တခြားအလုပ်ရှာမရလို့ ငါးမျှားထွက်ခဲ့ ရပေမယ့် သူ့သားသမီးများ အားငယ်မှာ စိုးတာကြောင့် မောင်ထွန်းအိမ်တွင်သာ ငါးမျှားတံတွေ သိမ်းထားလေ့ရှိသည်။ အိမ်အထိ ပြန်သယ်သွားလေ့မရှိ။ အရွယ်ရောက်နေသော သူ့သားသမီးများ ရှက်ရွံ့အားငယ်မှာကို မလိုလားပေ။ သဲလမ်းလေးအတိုင်း လျှောက်လာရင်း မုန့်ဆိုင်လေးကို မြင်သဖြင့် သားငယ်က သူ့ကိုမော့ကြည့်သည်။

“ သားဘာစားချင်လို့လဲ ”

သူ့အမေးကြောင့် သားငယ် မျက်လုံးလေး အရောင်လက်သွားသည်။

“ဇီးထုပ် စားမယ် ဖေဖေ”
“ အင်း.. ဒါဆို.. သားစားချင်တဲ့ ဇီးထုပ်ရွေးပေတော့ ”

သားငယ်လက်ကို ဆွဲရင်း အိမ်ဆိုင်လေးရှေ့တွင် ရပ်လိုက်သည်။ သားငယ်ကတော့ သူစားချင်သော ဇီးထုပ်များ ရွေးနေချိန် သူက ဆေးပေါ့လိပ် ၃ လိပ်ကို သေသေချာချာ ရွေးလိုက်သည်။ ငါးမျှားရင်း ဆေးလိပ်လေး ဖွာရသည်မှာ စိတ်ကူးအသစ်လေးတွေ ထွက်လာသလို နောက်တစ်နေ့အတွက် ဘယ်လို ငွေရပေါက် ရလမ်းများ ရှိလာနိင်မှာကို တွေးလို့ကောင်းသည်။ အချိန်တိုင်း နာရီတိုင်း မိသားစု စားဝတ်နေရေးအတွက် သူအမြဲ တွေးနေရသည်။

သူ့လက်ကို ဆွဲကိုင်းရင်း ဝယ်လာသော ဇီးထုပ်လေးကိုကြည့်ကာ သားငယ် ရွှင်မြူးနေသည်။

“ ဖေဖေ ဖောက်ပေးရမလား ”
“ ဟိုရောက်မှ စားမယ် ”
“ အေး..အေး ”

မကြာခင်မှာပဲ ရေကန်ကြီးဆီ ရောက်လာသဖြင့် ကန်စောင်းတစ်နေရာတွင် နေရာယူလိုက်သည်။ ဒီကန်မှာက နှစ်ချို့ငါးတွေ ရှိသည်။ ရေကန်တွေကလည်း အင်္ဂလိပ်ခေတ်ထဲက တူးထားသည့် ကန်တွေ ဖြစ်တာကြောင့် ဒိုက်များ ကြာပင်များဖြင့် ကန်ရေပြင်က စိမ်းမှောင်နေသည်။ လွယ်အိတ်ထဲ ထည့်လာသည့် ပလပ်စတစ် အခင်းလေးကို ခင်းကာ တုတ်တိုတစ်ချောင်း စိုက်ပြီး ထီးကို ချည်ထားလိုက်သည် သားငယ်ကတော့ ထီးရိပ်ထဲထိုင်ကာ သူ့ဇီးထုပ်ကို စဖောက်နေပြီ။

လွယ်အိတ်ထဲမှ တီကောင်ဗူးကို ထုတ်ပြီး ငါးမျှားချိတ်တွင် တီတစ်ပိုင်း တပ်လိုက်သည်။ အချိန်မရတာကြောင့် ပိုးဟပ်တော့ သူမဖမ်းနိင်ခဲ့။ ပိုးဟပ်နှင့် မျှားလျင်တော့ ငါးဖယ် တွေ အကြိုက်ဖြစ်သည်။ တီကောင်ကိုတော့ ငါးတော်တော်များများ ကြိုက်သည်။ အဓိကက တီလားဗီးယား ငါးတွေ နှစ်သက်ကြ၏။ ဒီကန်ထဲမှာ တီလားဗီးယား နှစ်ချို့ငါးတွေ ရှိသည်။ တော်ရုံလူ လာမမျှားတာကြောင့် ငါးတွေက ပွားများနေသည်။ သို့သော် ကန်က ကျယ်လွန်းတာကြောင့် အချိန်မြန်မြန်နှင့်တော့ သူငါးရဖို့ မသေချာ။

အိတ်ထဲမှ နောက်ထပ် ငါးမျှားတံ အသေးတစ်ချောင်း ထပ်ထုတ်ကာ ငါးစာတပ်လိုက်သည်။ ဒီအသေးကတော့ ငါးဖျင်းသလပ်များ ငါးပဲဖြူများလို ငါအသေးလေးတွေ အတွက်ဖြစ်သည်။ ထိုငါးလေးတွေကို ကြော်စားလျင်လည်း ဟင်းတခွက်ပဲ မဟုတ်လား။ ငါးမျှားတံ ထိပ်ဖျားဖြင့် ရေထဲမှ ဒိုက်နှင့် ကြာဖက် အနည်းငယ်ကို ဖယ်လိုက်သည်။ ကွက်လပ်ဖြစ်သွားသော ထိုနေရာကို ငါးမျှားကြိုး ချလိုက်သည်။ ငါးမျှားတံ အရင်းပိုင်းကိုတော့ သူ့ဘေးနားက မြေကြီးတွင် စိုက်ကာ ရေပေါ် ပေါ်နေသော ဖော့တံလေးကို ကြည့်နေလိုက်သည်။ မကြာမကြာ လိုက်လာဖူးသည့် သားငယ်ကလည်း ဖော့တံများကို ဝိုင်းကြည့်ပေးသည်။ ငါးမျှားတံများ နေရာတကျ ရှိပြီးသွားသဖြင့် အိတ်ထဲမှ ကွမ်းထုပ်ကို ထုတ်ပြီး တစ်ယာ ယာ စားလိုက်သည်။

“ဖေဖေ ဇီးထုပ်စားမလား ”
“ ကွမ်းစားနေပြီကွ မစားတော့ဘူး ”

ကွမ်းနှစ်ယာနှင့် ဆေးလိပ်တစ်လိပ် ကုန်ပြီးချိန်အထိ ကိုင်းတံအသေးမှ ငါးအသေးလေးများသာ ရသေးသည်။ ခုထိ ငါးအကြီး တစ်ကောင်မှ မမိသေး။ သားငယ်ကတော့ သူ့ပေါင်ကို ခေါင်းအုံးကာ အိပ်ပျော်နေပြီ။ ငါးမျှားလိုက်လာတိုင်းလည်း ခဏလောက်ပဲ သားငယ်က နေနိင်သည် ကြာလာတော့ ပျင်းရိတာကြောင့်နဲ့ တူသည် အရိပ်ထဲတွင် အိပ်သွားတတ်သည်မှာ ညနေပြန်ခါနီး နှိုးမှ ထလာမြဲ ဖြစ်၏။ ခုတော့ မိုးစက်များ ကျလာတာကြောင့် သားငယ်ကို နှိုးကာ မိုးကာ ဝတ်ပေးလိုက်သည်။

မိုးစိုသော်လည်း ငါးမျှားနေချိန် မိုးရွာလာလျင် သူကျေနပ်သည်။ မိုးသံ မိုးနံ့ ကြောင့် ငါးများ ကမ်းစပ်ကို ရောက်လာတတ်၏။ ဒီအချိန်က ငါးမျှား၍ အကောင်းဆုံး အချိန်ဖြစ်သည်။ မိုးက တဖြည်းဖြည်း သဲလာသည့်အတွက်သားငယ်ကို ထီးအောက်တွင် လုံလုံခြုံခြုံ ထားလိုက်ရတာကြောင့် သူ့ကိုယ်တစ်ခြမ်း ရွဲရွဲဆိုလာသော် သူ့မျက်လုံးကို ဖော့တံမှ မဖယ်ရှားဝံ့ စူးစိုက်ပြီး ကြည့်နေရသည်။

ကိုင်းတံကို ရုတ်ခနဲ အသုတ်မှာ ငါးတစ်ကောင်ပါလာတိုင်း သူ့သားရဲ့ ပျော်ရွှင်စွာ ဟေးခနဲ အော်သံသည် သူ့အပေါ်ထားသည့် ယုံကြည်ကိုးစားမှု ပဲဖြစ်သည်။ သားငယ်ပါလာသည့်နေ့တိုင်း အရင်ထက် သူ ငါးပိုရချင်သည်။ သားသမီးတွေအတွက် ဘာမှ မလုပ်ပေးနိင်ရင်တောင် ယုံကြည်အားကိုမှုတော့ သူပေးနိင်ချင်သည်။ ထို့ခံစားချက်ကြောင့် ငါးမျှားတံကို စူးစူးစိုက်စိုက်ကြည့်နေရသည်။

မိုးရေစက်များကြောင့် ကိုင်းတံတွေကို လက်ထဲသို့ ပြောင်းကိုင်ထားလိုက်သည်။ သို့မှ ငါးတွတ်လျင် သူချက်ချင်းသိနိင်မည်။ သည်းသည်းထန်ထန် မိုးရွာသွန်းနေတာကြောင့် ငါးများမြူးတူးကာ ကန်ထဲတွင် ဟိုမှာ ဒီမှာ ထခုန်နေကြသည်။ သို့သော် သူ့ကိုင်းတံကိုတော့ လာမဆွဲကြသေး။ ကမ်းစပ်ကို ကပ်လာသော ငါးသေးသေးလေးများသာ တစ်ကောင်ပြီး တစ်ကောင်ရနေခဲ့သည်။ သားငယ်ကတော့ အကြီးအသေး မခွဲဘဲ ငါးတစ်ကောင် ရတိုင်း ပျော်ရွှင်နေသဖြင့် အသေးတွေပဲ ရသော်လည်း သူကျေနပ်ရသည်။ မိုးရွာနေသဖြင့် ညနေခင်းသည် စောစီးစွာ မှောင်စ ပြုနေပြီ။

ထိုအချိန်တွင် ကိုင်ထားသော ကိုင်းတံ အကြီးမှ ဆတ်ခနဲဆတ်ခနဲ လှုပ်ရှားမှုကို ခံစားရသဖြင့် သူ အသက်ကိုမျှင်းရှူကာ အာရုံစိုက်နေလိုက်သည်။ ငါးတော့သေချာသည်။ သို့သော် သွေးတိုးစမ်း နေသေးဟန်တူသည်။ ထိခနန်း ဆိတ်ခနန်းသာ ရှိသေး၏။ ငါးမျှားချိတ်ကို လာမဟပ်သေး။ သူစိတ်ရှည်ရှည်ဖြင့် စောင့်နေလိုက်သည်။ ဒီလိုအချိန်မှာ စိတ်ရှည်မှ ဖြစ်မှာကို သူသိသည်။ သူ့ဘက်က မလှုပ်ဘဲ ငြိမ်နေလိုက်တာကြောင့် ရေထဲမှ ငါးက ငါးစာကို သဘာဝအစာ မှတ်ကာ ဆွဲဟပ်လိုက်သည်။ တင်းခနဲ ဖြစ်သွားသော ငါးမျှားကြိုးကြောင့် ဒီငါး အကောင်ကြီးနိင်သည်ကို တွက်မိသည်။

ငါးမျှားချိတ် ချိတ်မိသွားသဖြင့် ငါးက အတင်းရုန်းကန်နေသည်။ ငါးမောအောင် သူအလိုက်သင့် လျှော့ပေးမှ ဖြစ်မည်။ သူဆွဲကိုယ်ဆွဲ ဆိုလျင် ကြိုးပြတ်သွားနိင်သည်။ သို့သော် သူ့ ကိုင်းတံက သာမန်ဝါးချောင်းသာ ဖြစ်တာကြောင့် ကြိုးကို အလျော့အတင်း လုပ်စရာ ဘီးလုံးမပါပေ။ ထို့ကြောင့် သူ ထိုင်ရာမှ ခပ်မြန်မြန်ထကာ ကိုင်းတံကို ကိုင်ထားရင်း ရှေ့သို့ လိုက်တိုးပေးရသည်။ ငါးကလည်း နောက်ကို လှည့်ကာ အားအင်ကုန်သုံး၍ ရုန်းကန်နေ၏။ ဒီငါးမိဖို့ အရေးကြီးသည်။ အကောင်ကြီးနိင်တာကြောင့် အိမ်ပြန်မျက်နာပန်းလှသလို ဟင်းစား တစ်နှပ် နှစ်နှပ်စာလောက် လည်း ဖူလုံသွားနိင်သည်။

“ ဖေဖေ ငါးကြီးမိပြီကွ... ဟေးး ဖေဖေငါးကြီးမိပြီ ”

ကန်စပ်အထိသူဆင်းသွားတာကြောင့် သားငယ်က သဘောပေါက်ပြီး ပျော်ရွှင်နေ၏။ သားငယ်၏ ဝမ်းသာ တက်ကြွသံ ကြားသဖြင့် ဒီငါးကို မရ ရအောင် ဖမ်းရတော့မည်ဆိုတာ သူ သဘောပေါက်သည်။ ငါးကလည်း သေဘေးကြောင့် အတင်းရုန်းကန်နေသည်။ ကြိုးပြတ်သွားမှာ စိုးတာကြောင့် ငါးခေါ်ရာ နောက်ကို သူလိုက်နေရသည်မှာ ရေထဲသို့ ဒူးတဝက်ပင် မြုပ်နေပြီ။ သူ့အာရုံတစ်ခုလုံး ဒီငါးရဖို့ပဲ အာရုံစိုက်ထားသည်။ ဒါဟာ ငါးတကောင်ထက် ပိုသည်။ သူ့သားရဲ့ ယုံကြည်မျှော်လင့်ချက်ကို အပျက်စီးမခံနိင်။ အကောင်ကြီးသည့် ငါးဖြစ်တာကြောင့် ခုထိ မမောသေးတာ ဖြစ်မည်။

သူစိတ်ရှည်ရှည်ပဲ ရေကန်ထဲမှာ ရှေ့တိုးရင်း ငါးဆွဲရာ နောက်ကို လိုက်နေသည်။ မကြာခင်မှာ ဒီငါး ရုန်းရတာ မောသွားမည် မဟုတ်လား။ ထိုအချိန်ရောက်မှ တဖြည်းဖြည်း ဆွဲတင်လိုက်ရင် ထိုငါးကြီး ကုန်းပေါ်ရောက်လာမည်။ ရေအနက်က သူ့ပေါင်ရင်းလောက် အထိ ရောက်နေသော်လည်း ငါးက ရုန်းကန်နေတုန်းပဲ ဖြစ်သည်။ စွန့်စားသည့် အနေနဲ့ သူကြိုးနဲနဲ ပြန်ဆွဲရမည်။ မဟုတ်လျင် သူပါ ရေထဲ မြုပ်သွားနိင်သည်။ ကိုင်းတံကို မလျော့မတင်းဆုပ်ကိုင်ကာ သူ့ဘက်ကို ပြန်ဆွဲလိုက်သည်။

ငါးမောသွားပြီ ထင်သည်။ သူပြန်ဆွဲခေါ်ရာ လိုက်လာသည်။ ထိုအချိန်မှာပဲ ငါးက ဖြုန်းခနဲ အတင်းရုန်းကာ လှည့်ပြေးသည်။ သူ့ဘက်ကို အဆွဲနှင့် ငါးရဲ့ ရုန်းကန်မှုကြောင့် သူ့လက်ထဲက ကိုင်းတံ တင်းခနဲဖြစ်သွားသဖြင့် ကိုင်းတံကို လွှတ်ပေးလိုက်မိသည်။ ထို့နောက် ချက်ချင်းပဲ လွတ်သွားသော ကိုင်းတံကို လှမ်းဆွဲဖို့ ရှေ့ကို အလောတကြီး တိုးလိုက်စဉ် သူ့ခြေဖဝါးတွင် ပူခနဲ ဖြစ်သွားသည်။ အကောင်တခုခု ကိုက်တာလား တခုခုစူးမိတာလား မသိပေမယ့် သူ့ခြေဖဝါးတွင် နာကျင်သွားသည်။

သို့သော် ဘာဖြစ်တာလဲဆိုသည်ကို လောလောဆယ် သတိမထားနိင် လွတ်ထွက်သွားသော ကိုင်းတံကိုသာ ရအောင် လှမ်းဆွဲလိုက်သည်။ ဆွဲယူလိုက်သော ကိုင်းတံက သူ့လက်ထဲကို ပေါ့ပါးစွာ ပါလာသည်။ သူ့ရင်ထဲ ဟာခနဲ ဖြစ်သွား၏။ ကိုင်းတံကို တဖြည်းဖြည်း ဆွဲမလိုက်သည်။ ငါးမျှားကြိုးပြတ်စလေးက လေထဲတွင် တန်းလန်းလွှဲနေသည်။ ငါးတစ်ကောင်နှင့် အားပြိုင်မှုတွင် သူရှုံးသွားခဲ့ရပြီ။

သူ့မျက်နာကို ခပ်ပြုံးပြုံးလုပ်ကာ သားငယ်ဘက်လှည့်လိုက်သည်။

“ ကြိုးပြတ်သွားတယ် သားရဲ့ နောက်တကောင် ထပ်ဖမ်းမယ်ကွာ ဒီတခါ ပိုကြီးတာ ဖမ်းပေးမယ်။”

သားငယ်ကို အာရုံပြောင်းစေရန် ပြောပြီး သူကမ်းပေါ်တက်လာသည်။ သားငယ်ကတော့ ငါးမျှားကြိုးပြတ်စ လေးကိုသာ ကြည့်နေ၏။ မြေကြီးပေါ် ခြေအချမှာပဲ သူ့ခြေထောက် မခံနိင်အောင် နာကျင်သွားသဖြင့် ငုံ့ကြည့် လိုက်သည့်အခါ ညာဘက်ခြေဖဝါးမှ သွေးများ ထွက်နေသည်ကို တွေ့လိုက်၏။ မြေပြင်ပေါ်ထိုင်ပြီး ခြေဖဝါးကို လှန်ကြည့်မှ ခြေဖဝါးတွင် ၅ လက်မခန့် ပြတ်ရှရာကြီးကို တွေ့ရသည်။ ရွာနေသော မိုးနှင့်အပြိုင် သွေးများ ဒလဟော ထွက်လာ၏။

“ ဖေဖေ သွေးတွေ... ဖေဖေ ဘာဖြစ်တာလဲ ”

သားငယ်က ပြောရင်း သူ့အနားကို ရောက်လာသည်။ ခြေဖဝါးမှ မခံမရပ်နိင်အောင် နာကျင်လာသဖြင့် ဒဏ်ရာ ဘေးနားကို လက်ဖြင့်ခပ်တင်းတင်း ဖိထားလိုက်၏။ သွေးများက မနားတမ်း ထွက်နေခဲ့သည်။ ရေကန်ထဲမှ သံပြားပြတ်စ တခုခုကို နင်းမိခဲ့တာ ဖြစ်မည်။ နှစ်ချို့ရေကန်ဖြစ်သည့်အပြင် ဘီအိုစီ ရေနံချက်စက်ရုံမှ တူးထားသော ကန်ဖြစ်တာကြောင့် ရေကန်ထဲတွင် သံပိုက်လုံးအပြတ်များ ရေတိုင်ကီအဆွေးများ ရှိနေသည်ကို သူသိထားလျက်နှင့် ငါးဇောကြောင့် သူသတိတစ်ချက် လွတ်သွားချိန်မှာ ရှသွားခြင်းဖြစ်သည်။

“ အီးး..ဟီးး.. သွေးတွေ အများကြီးပဲ ”

မရပ်မနားထွက်လာသော သွေးများကို မြင်သဖြင့် သားငယ် ငိုလေတော့သည်။ နာကျင်မှု ခဏမေ့ကာ

“ သား.. မငိုနဲ့ သေးသေးလေး ရှတာကွ ဘာမှမဖြစ်ဘူး ခဏနေရင် ကောင်းသွားမှာ ”

သားငယ်က ခြေထောက်ကို ကိုင်ကြည့်ကာ ဆက်တိုက်ထွက်နေသော သွေးများကို ကြည့်ပြီး အငိုမတိတ်တော့။ သူပုဆိုးအောက်နား ပါတ်လည်ကို ဆွဲဖြဲကာ ပါတ်တီးအဖြစ် ဒဏ်ရာကို ခပ်တင်းတင်း စည်းနှောင်းလိုက်သည်။ သွေးထွက်လျော့သွားပေမယ့် နာကျင်မှုက ပို၍ပို၍ တိုးလာသည်။ ဒဏ်ရာက ကြီးသည့်အပြင် ရှရာကလည်း နက်မည်ထင်သည်။ ခြေဖျားထောက်ကာ လျှောက်ရင်း ကိုင်းတံအသေးကို သိမ်းလိုက်သည်။ ငါးအသေးလေးများ ထည့်ထားသော အိတ်ကို ဟကြည့်လိုက်သည်။ သိပ်တော့မနဲလှ။ ကြော်လိုက်လျင်တော့ မိသားစု စားလောက်နိင်မည်။ ဒီညအတွက် ဟင်းတနှပ်စာရသဖြင့် သူ အနည်းငယ် စိတ်အေးသွားသည်။

“ အရမ်းနာနေလား ဖေဖေ ”
“ မနာပါဘူးသားရယ် ”

သူ့ခြေထောက်ကို ငုံ့ငုံ့ကြည့်ရင်း သားရဲ့ မျက်နာ နွမ်းနွမ်းလေး ဖြစ်နေ၏။ သူ့လက်ကို တင်းတင်းဆုပ်ကိုင် ထားသော သားရဲ့လက်လေး အေးစက်နေသည်။ သူနာကျင်နေမည် ထင်ပြီး သူ့မျက်နာကို ခဏခဏ မော့ကြည့်နေသော သားမျက်ဝန်းသည် မျက်ရည်စက်များကြောင့် ရွှန်းလဲ့နေ၏။ သားငယ် စိတ်မကောင်းဖြစ်မှာစိုး၍ ခြေဖဝါးမှ တစစ်စစ်ကိုက်လာသော ဒဏ်ကို အားတင်းကာ ခြေဖျားထောက်ပြီး လျှောက်လာခဲ့သည်။ တကယ်တော့ သူနာကျင်နေပါသည်။ ၅ လက်မခန့် ပြတ်ရှဒဏ်ရာမှ နာကျင်ခြင်းထက်ပိုသော နာကျင်မှုသည် ရင်ထဲမှာ ဖြစ်ပေါ်နေ၏။ သားငယ်ရဲ့ အားငယ်နေရခြင်းကို သူကောင်းစွာ မနှစ်သိမ့်နိင်သော ဖခင်တစ်ယောက်ရဲ့ အဖြစ်သည် သူ့အတွက် ခြေထောက်က ဒဏ်ရာထက်ပို၍ အနာကျင်ရဆုံး ဖြစ်သည်။

မှောင်ရီပျိုးနေသော မြေလမ်းလေးထက်တွင် ကလေးငယ်တစ်ယောက်ကို လက်ဆွဲပြီး ငါးမျှားတံ ပုခုံးပေါ်ထမ်းထားသော လူတစ်ယောက် တရွေ့ရွေ့ဖြင့် လျှောက်နေသည်။ လှုပ်ရမ်းနေသော အိတ်ထဲတွင်တော့ မျှော်လင့်ခြင်းများဖြင့် လဲယူထားရသော ငါးကလေးများရှိနေ၏။ ထို့ပြင် ခြေဖဝါးမှ တစ်စက်စက်ကျကျန်ရစ်သော သွေးစက်အချို့သည်လည်း မြေလမ်းလေးထက်တွင် တစ်စက်ခြင်း ကျကာ ကျန်နေခဲ့၏။ ကလေးငယ်ကတော့ သူ့အဖေ၏ ခြေထောက်က ဒဏ်ရာနှင့် မျက်နာက နာကျင်ဟန်ကို တစ်လှည့်စီ မော့ကြည့်နေလေသည်။

Wednesday, December 1, 2010

အဖေ

ကတ္တီရာ လမ်းမကြီးအတိုင်း လျှောက်လာရင်း ရပ်ကွက်အဆုံးတွင် လမ်းဘေးကို ဖဲ့ဆင်းလိုက်သည်။ သန်လျင်ဘီအိုစီ ရေနံချက်စက်ရုံရဲ့ ရေကန်ကြီးတွေ ရှိသော လမ်းသွယ်ဘက်ကို ချိုးဝင်ကာ တဲအိမ်တို့ရဲ့ အရှေ့မှ မြေလမ်းလေး အတိုင်း လျှောက်ဝင်လာခဲ့သည်။ ထိုလမ်းသွယ်ထဲတွင် မောင်ထွန်း၏ အိမ်ရှိသည်။ မောင်ထွန်းတို့ အိမ်ရှေ့အရောက်တွင် အသံပြုလိုက်သည်။

ငါးမျှားတံအိတ်ကို ပုခုံးပေါ်ထမ်းရင် ထွက်လာခဲ့သည်။ တကယ်တော့ မောင်ထွန်းကို ပြောခဲ့သလို အပျင်းပြေ ငါးမျှားထွက်လာခြင်းမဟုတ်။ ဒီရက်ပိုင်းတွင် ငွေဝင်ဖို့ အလုပ်တခုခု မလုပ်နိင်သည့်အတွက် ဟင်းစားရလို ရငြား ထွက်လာခြင်းဖြစ်သည်။ ငွေဝင်နိင်သည့် အလုပ်တခုခု ရှာမရချိန်တိုင်း အိမ်အတွက် တစ်ဖက်တလမ်းက အဆင်ပြေစေရန် ငါးလာမျှားလေ့ရှိ၏။ သူက မိသားစုကို ပုခုံးနဲ့ရော ခေါင်းနဲ့ပါ ဘဝတလျှောက်လုံး ထမ်းရွက်ပြီး ရှာဖွေ ကျွေးမွေးခဲ့သူ ဖြစ်သည်။ ကလေးတွေ ငယ်စဉ်တုန်းကတော့ သူအဆင်ပြေခဲ့ဖူးသည်။ သန်လျင်မြို့တွင် သူ့လ္ဘက်ရည်ဆိုင် အအောင်မြင်ဆုံး အရောင်းရဆုံး ဖြစ်ခဲ့သည်။ ထိုအချိန်ကတော့ တပည့်တပန်းများလည်း စည်စည်ကားကားပေါ့။ မောင်ထွန်းက သူ့ဆိုင်ရဲ့ နံပြားဖုတ်သမား ဖြစ်ခဲ့သည်။

သို့သော် အကြောင်းကြောင်းတွေ တိုက်ဆိုင်ပြီး သူ့ဆိုင် ယိုင်သထက်ယိုင်လာသည်။ တစ်နေ့တာ စာရင်းကိုလည်း သူမစစ်ချင်။ အဖမဲ့သားအဖြစ် အချိန်ကြာစွာ သူတစ်ယောက်ထဲ ကြီးပြင်းလာပြီးမှ ရလာသော အမေတူ အဖေကွဲ မောင်နှမများကို သူချစ်သည်။ ရောင်းအားကျလာချိန်မှာ လူတစ်အုပ်တစ်မကြီးရဲ့ စားစရိတ်က သိသိသာသာ ဖိစီးလာသော်လည်း သူအပြုံးမပျက်အောင် ဟန်ဆောင်ထားခဲ့သည်။ တစ်ရွေ့ရွေ့နဲ့ ရောင်းအားကျလာပြီး နောက်ဆုံး သူဆိုင်ပိတ်လိုက်ရတော့သည်။

သို့သော် သူမမှုခဲ့။ ကြုံရာအလုပ်ကို ရှာဖွေ လုပ်ကိုင်ကာ ဇနီးနှင့် သားသမီးများကို ဝမ်းဝစေခဲ့သည်။ ငယ်စဉ်ထဲက အဖေမဲ့သူ ဖြစ်ခဲ့ရတာ ကြောင့် သူ့သားသမီးများကို ဘာမဆို အလိုလိုက်ချင်စိတ် အမြဲ ရှိနေခဲ့သည်။ တခြားအလုပ်ရှာမရလို့ ငါးမျှားထွက်ခဲ့ ရပေမယ့် သူ့သားသမီးများ အားငယ်မှာ စိုးတာကြောင့် မောင်ထွန်းအိမ်တွင်သာ ငါးမျှားတံတွေ သိမ်းထားလေ့ရှိသည်။ အိမ်အထိ ပြန်မသယ်သွားပေ။ အရွယ်ရောက်နေသော သူ့သားသမီးများ ရှက်ရွံ့အားငယ်မှာကို မလိုလားပေ။ သဲလမ်းလေးအတိုင်း လျှောက်လာရင်း မုန့်ဆိုင်လေးကို မြင်သဖြင့် သားငယ်က သူ့ကိုမော့ကြည့်သည်။

အိတ်ထဲမှ နောက်ထပ် ငါးမျှားတံ အသေးတစ်ချောင်း ထပ်ထုတ်ကာ ငါးစာတပ်လိုက်သည်။ ဒီအသေးကတော့ ငါးဖျင်းသလပ်များ ငါးပဲဖြူများလို ငါအသေးလေးတွေ အတွက်ဖြစ်သည်။ ထိုငါးလေးတွေကို ကြော်စားလျင်လည်း ဟင်းတခွက်ပဲ မဟုတ်လား။ ငါးမျှားတံ ထိပ်ဖျားဖြင့် ရေထဲမှ ဒိုက်နှင့် ကြာဖက် အနည်းငယ်ကို ဖယ်လိုက်သည်။ ကွက်လပ်ဖြစ်သွားသော ထိုနေရာကို ငါးမျှားကြိုး ချလိုက်သည်။ ငါးမျှားတံ အရင်းကိုတော့ သူ့ဘေးနားက မြေကြီးတွင် စိုက်ကာ ရေပေါ် ပေါ်နေသော ဖော့တံလေးကို ကြည့်နေလိုက်သည်။ မကြာမကြာ လိုက်လာဖူးသည့် သားငယ်ကလည်း ဖော့တံများကို ဝိုင်းကြည့်နေသည်။ အိတ်ထဲမှ ကွမ်းထုပ်ကို ထုတ်ပြီး တစ်ယာ ယာ စားလိုက်သည်။

“ဖေဖေ ဇီးထုပ်စားမလား ”
“ ကွမ်းစားနေပြီကွ မစားတော့ဘူး ”

မိုးရေစက်များကြောင့် ကိုင်းတံတွေကို လက်ထဲသို့ ပြောင်းကိုင်ထားလိုက်သည်။ ထို့မှ ငါးတွတ်လျင် သူချက်ချင်းသိနိင်မည်။ သည်းသည်းထန်ထန် မိုးရွာသွန်းနေတာကြောင့် ငါးများမြူးကာ ကန်ထဲတွင် ဟိုမှာ ဒီမှာ ထခုန်နေကြသည်။ သို့သော် သူ့ကိုင်းတံကိုတော့ လာမဆွဲကြသေး။ ကမ်းစပ်ကို ကပ်လာသော ငါးသေးသေးလေးများသာ တစ်ကောင်ပြီး တစ်ကောင်ရနေခဲ့သည်။ သားငယ်ကတော့ အကြီးအသေး မခွဲဘဲ ငါးတစ်ကောင် ရတိုင်း ပျော်ရွှင်နေသဖြင့် အသေးတွေပဲ ရသော်လည်း သူကျေနပ်ရသည်။ မိုးရွာနေသဖြင့် ညနေခင်းသည် စောစီးစွာ မှောင်စ ပြုနေပြီ။

ထိုအချိန်တွင် ကိုင်ထားသော ကိုင်းတံ အကြီးမှ ဆတ်ခနဲဆတ်ခနဲ လှုပ်ရှားမှုကို ခံစားရသဖြင့် သူ အသက်ကိုမျှင်းရှူကာ အာရုံစိုက်နေလိုက်သည်။ ငါးတော့သေချာသည်။ သို့သော် သွေးတိုးစမ်း နေသေးဟန်တူသည်။ လာမဟပ်သေး။ စိတ်ရှည်ရှည်ဖြင့် စောင့်နေလိုက်သည်။ ဒီလိုအချိန်မှာ စိတ်ရှည်မှ ဖြစ်မှာကို သူသိသည်။ သူ့ဘက်က မလှုပ်ဘဲ ငြိမ်နေလိုက်တာကြောင့် ရေထဲမှ ငါးက ငါးစာကို သဘာဝအစာ မှတ်ကာ ဆွဲဟပ်လိုက်သည်။ တင်းခနဲဖြစ်သွားသော ငါးမျှားကြိုးကြောင့် ဒီငါး အကောင်ကြီးနိင်သည်ကို တွက်မိသည်။

ငါးမျှားချိတ် ချိတ်မိသွားသဖြင့် ငါးက အတင်းရုန်းကန်နေသည်။ ငါးမောအောင် သူအလိုက်သင့် လျှော့ပေးမှ ဖြစ်မည်။ သူဆွဲကိုယ်ဆွဲ ဆိုလျင် ကြိုးပြတ်သွားနိင်သည်။ သို့သော် သူ့ ကိုင်းတံက သာမန်ဝါးချောင်းသာ ဖြစ်တာကြောင့် ကြိုးကို အလျော့အတင်း လုပ်၍မရ။ ထို့ကြောင့် သူ ထိုင်ရာမှ ခပ်မြန်မြန်ထကာ ကိုင်းတံကို ကိုင်ထားရင်း ရှေ့သို့ လိုက်တိုးပေးရသည်။ ငါးကလည်း နောက်ကို လှည့်ကာ အားအင်ကုန်သုံး၍ ရုန်းကန်နေ၏။ ဒီငါးမိဖို့ အရေးကြီးသည်။ အကောင်ကြီးနိင်တာကြောင့် အိမ်ပြန်မျက်နာပန်းလှသလို ဟင်းစား တစ်နှပ် နှစ်နှပ်စာလောက် လည်း ဖူလုံသွားနိင်သည်။

“ ဖေဖေ ငါးကြီးမိပြီကွ... ဟေးး ဖေဖေငါးကြီးမိပြီ ”

ငါးမောသွားပြီ ထင်သည်။ သူပြန်ဆွဲခေါ်ရာ လိုက်လာသည်။ ထိုအချိန်မှာပဲ ငါးက ဖြုန်းခနဲ အတင်းရုန်းကာ လှည့်ပြေးသည်။ သူ့ဘက်ကို အဆွဲနှင့် ငါးရဲ့ ရုန်းကန်မှုကြောင့် သူ့လက်ထဲက ကိုင်းတံ တင်းခနဲဖြစ်သွားသဖြင့် ကိုင်းတံကို လွှတ်ပေးလိုက်မိသည်။ ထို့နောက် လွတ်သွားသော ကိုင်းတံကို လှမ်းဆွဲဖို့ ရှေ့ကို အလောတကြီး တိုးလိုက်စဉ် သူ့ခြေဖဝါးတွင် ပူခနဲ ဖြစ်သွားသည်။ အကောင်တခုခု ကိုက်တာလား တခုခုစူးမိတာလား မသိပေမယ့် သူ့ခြေဖဝါးတွင် နာကျင်သွားသည်။

သို့သော် ဘာဖြစ်တာလဲဆိုသည်ကို လောလောဆယ် သတိမထားနိင် လွတ်ထွက်သွားသော ကိုင်းတံကိုသာ ရအောင် လှမ်းဆွဲလိုက်သည်။ ကိုင်းတံက သူ့လက်ထဲကို ပေါ့ပါးစွာ ပါလာသည်။ သူ့ရင်ထဲ ဟာခနဲ ဖြစ်သွား၏။ ကိုင်းတံကို တဖြည်းဖြည်း ဆွဲမလိုက်သည်။ ငါးမျှားကြိုးပြတ်စလေးက လေထဲတွင် တန်းလန်းလွှဲနေသည်။ ငါးတစ်ကောင်နှင့် အားပြိုင်မှုတွင် သူရှုံးသွားခဲ့ရပြီ။

သူ့မျက်နာကို ခပ်ပြုံးပြုံးလုပ်ကာ သားငယ်ဘက်လှည့်လိုက်သည်။

“ ကြိုးပြတ်သွားတယ် သားရဲ့ နောက်တကောင် ထပ်ဖမ်းမယ်ကွာ ဒီတခါ ပိုကြီးတာ ဖမ်းပေးမယ်။”

သားငယ်ကို အာရုံပြောင်းစေရန် ပြောပြီး သူကမ်းပေါ်တက်လာသည်။ သားငယ်ကတော့ ငါးမျှားကြိုးပြတ်စ လေးကိုသာ ကြည့်နေ၏။ မြေကြီးပေါ် ခြေအချမှာပဲ သူ့ခြေထောက် မခံနိင်အောင် နာကျင်သွားသဖြင့် ငုံ့ကြည့် လိုက်သည့်အခါ ညာဘက်ခြေဖဝါးမှ သွေးများ ထွက်နေသည်ကို တွေ့လိုက်၏။ မြေပြင်ပေါ်ထိုင်ပြီး ခြေဖဝါးကို မ ကြည့်မှ ခြေဖဝါးတွင် ၅ လက်မခန့် ပြတ်ရှရာကြီးကို တွေ့ရသည်။ ရွာနေသော မိုးနှင့်အပြိုင် သွေးများကတော့ ဒလဟော ထွက်လာ၏။

“ ဖေဖေ သွေးတွေ... ဖေဖေ ဘာဖြစ်တာလဲ ”

သားငယ်က ပြောရင်း သူ့အနားကို ရောက်လာသည်။ မခံမရပ်နိင်အောင် နာကျင်လာသဖြင့် ဒဏ်ရာ ဘေးနားကို ခပ်တင်းတင်း ဖိထားလိုက်၏။ သွေးများက မနားတမ်း ထွက်နေခဲ့သည်။ ရေကန်ထဲမှ သံပြားပြတ်စ တခုခုကို နင်းမိခဲ့တာ ဖြစ်မည်။

“ အီးး..ဟီးး.. သွေးတွေ အများကြီးပဲ ”

မရပ်မနားထွက်လာသော သွေးများကို မြင်သဖြင့် သားငယ် ငိုလေတော့သည်။ နာကျင်မှု ခဏမေ့ကာ

“ သား.. မငိုနဲ့ သေးသေးလေး ရှတာကွ ဘာမှမဖြစ်ဘူး ခဏနေရင် ကောင်းသွားမှာ ”

“ အရမ်းနာနေလား ဖေဖေ ”
“ မနာပါဘူးသားရယ် ”

သူ့ခြေထောက်ကို ငုံ့ငုံ့ကြည့်ရင်း သားရဲ့ မျက်နာ နွမ်းနွမ်းလေး ဖြစ်နေရသည်ကို စိတ်မကောင်း ဖြစ်လွန်းလှသည်။ သူ့လက်ကို တင်းတင်းဆုပ်ကိုင်ထားသော သားရဲ့လက်လေး အေးစက်နေသည်။ သူနာကျင်နေမည် ထင်ပြီး သူ့မျက်နာကို ခဏခဏ မော့ကြည့်နေသော သားမျက်ဝန်းသည် မျက်ရည်စက် များကြောင့် ရွှန်းလဲ့နေ၏။ သားငယ် စိတ်မကောင်းဖြစ်မှာစိုး၍ ခြေဖဝါးမှ တစစ်စစ်ကိုက်လာသော ဒဏ်ကို အားတင်းကာ ခြေဖျားထောက်ပြီး အိမ်ပြန်လာခဲ့သည်။ ခြေတလှမ်း အကြွအချတိုင်း သူ အသံမထွက်အောင် တင်းထားရသည်။ သူ့ဒဏ်ရာကို မြင်သဖြင့် မောင်ထွန်း ဆိုက်ကားငှားကာ သူ့အိမ်အထိ လိုက်ပို့ပေးသဖြင့် အနည်းငယ် သက်သာသွားရသည်။

ဒဏ်ရာကြီးကို မြင်သဖြင့် တစ်အိမ်လုံး လှုပ်လှုပ်ရှားရှား ဖြစ်ကုန်ကြသည်။

“ ဆေးခန်းသွားမယ် ”

သူ့ဇနီးက စိုးရိမ်တကြီးဖြစ်ကာ ဆေးခန်းသွားပြရန် ပြောသည်။ ဆေးခန်းတော့ သွား၍မဖြစ်။ နောက်ရက်တွေ ဝင်ငွေ မရှိလျင် ဒုက္ခပိုများနိင်တာကြောင့် ဆေးခန်းသွား၍ မဖြစ်။

“ မလိုဘူး.. ငါပြောသလိုသာ လုပ်ပေး။ ကြက်သွန်နီတစ်လုံးကို သကြားနဲ့ ရောထောင်းပြီး အုံထားရင် ရပြီ”

သူ့လိုပဲ တွေးမိတာကြောင့်ထင်သည်။ ဇနီးဖြစ်သူ သက်ပြင်းတစ်ချက်ချကာ သကြားနှင့်ကြက်သွန်နီ ကို ရောထောင်းနေ၏။ တော်ရုံထိခိုက်ရှနာ မှန်သမျှ သူဒီလိုသာ ကုခဲ့သည်။

“ ဆေးထည့်ရအောင် ”

ဇနီးဖြစ်သူ သူ့အနားတွင် ထိုင်ကာ ခြေထောက်ကို ဆွဲယူရင်း ဒဏ်ရာကို ဆေးအုံပေးနေသည်။ ဒဏ်ရာနေရာမှ အေးခနဲဖြစ်ကာ အနည်းငယ် စပ်သွားရသည်။ ဆေးအုံပေးပြီးနောက် ပါတ်တီးကို ခပ်တင်းတင်းစည်းပေးနေချိန် မှာပဲ သူစိတ်မကောင်းပြီး မျက်ရည်ဝဲသွားရသည်။ ဇနီးဖြစ်သူ သူ့ကို မော့အကြည့်မှာပဲ သူမျက်ရည်ဝဲနေသည်ကို မြင်သွားခဲ့သည်။

“ တော်တော် နာနေလို့လား ဟင် ”
“ ဟင်အင်း.. မနာပါဘူး ”
“ ဒါဖြင့်..”
“ ငါဒဏ်ရာ ရတော့ သားလေး အားငယ်သွားတာ တွေးပြီး စိတ်မကောင်းတာပါ ”
“ သြော် ”

သူ့ဇနီးထံမှ မည်သည့် အသံမျှ ထပ်မထွက်လာတော့။ ကိုယ်စီကိုယ်စီ ကြိတ်ကာ သက်ပြင်းချလိုက် မိတော့သည်။

။..........................................................................။